21 tamyzda elimizdiń barlyq oqýshylary úshin jalpyrespýblikalyq biryńǵai synyp saǵaty ótedi, dep habarlaidy "Ult aqparat" Bilim jáni ǵylym ministrligine silteme jasap.
«Jańa 2020-2021 oqý jylynda karantin sharalary kezinde bilim alýshylardy oqytý formatymen tanystyrý maqsatynda 21 tamyzda «Men jańa oqý jylynda qalai oqimyn?» taqyrybynda elimizdiń barlyq oqýshylary úshin jalpyrespýblikalyq biryńǵai synyp saǵaty ótedi.
Synyp saǵaty qashyqtan ótedi, al ótkizý ýaqytyn mektep ákimshiligi bekitedi. Qalaýy boiynsha ata-analar balalarymen birge qatysa alady», delingen habarlamada.
Synyp saǵaty barysynda synyp jetekshisi kelesi suraqtardy túsindiredi:
Karantin kezindegi oqytý formattary; qashyqtan bilim alý barysynda paidalanylatyn internet platformanyń múmkindigimen tanysý; men jáne meniń densaýlyǵym (gigiena negizderi, fizikalyq belsendilik); jańa oqý jylynda baǵalaý júiesi; internette jumys isteý erejeleri, aqparattyq qaýipsizdik.
