Elimizde Amal atty biryńǵai qaiyrymdylyq onlain-platformasy paida bolady. Bul týraly «Arnaý damytý ortalyǵy» qoǵamdyq uiymynyń basshysy Ulan Ábishev aitty, dep habarlaidy "Ult aqparat".
«Biz joba ataýyn Amal dep atadyq. Bul sóz biz júzege asyratyn jobany jaqsy sipattaidy. Biz qaiyrymdylyq jasaý mádenietin dáriptep, aǵa býynnyń jastarmen tájiribe bóliskenin qalaimyz. Koronavirýs pandemiiasy kezinde bul tipten ózekti máselege ainaldy», - deidi Ulan Ábishev onlain ótken konferentsiiada.
Onyń aitýynsha, bul joba qaiyrymdylyqpen bailanysty protsesterdi bir júiege keltirýge baǵyttalǵan.
«Qazirgi ýaqytta kómek kórsetetin qor, uiym kóp, biraq ol týraly aqparattar júielenip turatyn alań joq. Biz arnaiy sait ashyp, qaiyrymdylyq sharalary týraly aqparattardy jinap, ár sanat boiynsha júielep ornalastyramyz. Bul qaiyrymdylyq jasaityndar men kómekke muqtaj adamdar úshin óte yńǵaily bolady. Ol jerde kómek kórsetilgen adamdardyń jáne kómekke muqtaj adamdardyń bailanys nómiri bar», - deidi ol.
Ol aldaǵy ýaqytta áleýmettik jelilerde de iske asyratyn jobalar bar ekenin aitty.
«Qazirgi ýaqytta Facebook, Instagram, Vkontakte siiaqty ártúrli áleýmettik jeli bar. Ol jerde jastarǵa, balalarǵa baǵyttalǵan videojazbalar qoiamyz, sonyń ishinde jobamyzdy Tik-Tok platformasynda da júzege asyramyz», - deidi qoǵamdyq uiym basshysy.
