ەلٸمٸزدە Amal اتتى بٸرىڭعاي قايىرىمدىلىق ونلاين-پلاتفورماسى پايدا بولادى. بۇل تۋرالى «ارناۋ دامىتۋ ورتالىعى» قوعامدىق ۇيىمىنىڭ باسشىسى ۇلان ەبٸشەۆ ايتتى, دەپ حابارلايدى "ۇلت اقپارات".
«بٸز جوبا اتاۋىن Amal دەپ اتادىق. بۇل سٶز بٸز جٷزەگە اسىراتىن جوبانى جاقسى سيپاتتايدى. بٸز قايىرىمدىلىق جاساۋ مەدەنيەتٸن دەرٸپتەپ, اعا بۋىننىڭ جاستارمەن تەجٸريبە بٶلٸسكەنٸن قالايمىز. كوروناۆيرۋس پاندەميياسى كەزٸندە بۇل تٸپتەن ٶزەكتٸ مەسەلەگە اينالدى», - دەيدٸ ۇلان ەبٸشەۆ ونلاين ٶتكەن كونفەرەنتسييادا.
ونىڭ ايتۋىنشا, بۇل جوبا قايىرىمدىلىقپەن بايلانىستى پروتسەستەردٸ بٸر جٷيەگە كەلتٸرۋگە باعىتتالعان.
«قازٸرگٸ ۋاقىتتا كٶمەك كٶرسەتەتٸن قور, ۇيىم كٶپ, بٸراق ول تۋرالى اقپاراتتار جٷيەلەنٸپ تۇراتىن الاڭ جوق. بٸز ارنايى سايت اشىپ, قايىرىمدىلىق شارالارى تۋرالى اقپاراتتاردى جيناپ, ەر سانات بويىنشا جٷيەلەپ ورنالاستىرامىز. بۇل قايىرىمدىلىق جاسايتىندار مەن كٶمەككە مۇقتاج ادامدار ٷشٸن ٶتە ىڭعايلى بولادى. ول جەردە كٶمەك كٶرسەتٸلگەن ادامداردىڭ جەنە كٶمەككە مۇقتاج ادامداردىڭ بايلانىس نٶمٸرٸ بار», - دەيدٸ ول.
ول الداعى ۋاقىتتا ەلەۋمەتتٸك جەلٸلەردە دە ٸسكە اسىراتىن جوبالار بار ەكەنٸن ايتتى.
«قازٸرگٸ ۋاقىتتا Facebook, Instagram, Vkontakte سيياقتى ەرتٷرلٸ ەلەۋمەتتٸك جەلٸ بار. ول جەردە جاستارعا, بالالارعا باعىتتالعان ۆيدەوجازبالار قويامىز, سونىڭ ٸشٸندە جوبامىزدى Tik-Tok پلاتفورماسىندا دا جٷزەگە اسىرامىز», - دەيدٸ قوعامدىق ۇيىم باسشىسى.
