Soltústik Qazaqstan oblysy M.Jumabaev aýdanynda ornalasqan «Qaraqoǵa» shekara zastavasynyń ataýy «Batyr Baian atyndaǵy shekara zastavasy» dep qaita atalýy múmkin. Bul jaiynda QR Premer-Ministri Asqar Maminniń Májilis depýtatynyń saýalyna bergen jaýabynda aitylǵan, dep habarlaidy "Ult aqparat".
«Soltústik Qazaqstan oblysy M.Jumabaev aýdanynda ornalasqan «Qaraqoǵa» shekara zastavasynyń ataýyn «Batyr Baian atyndaǵy shekara zastavasy» dep qaita ataý týraly depýtattyq saýalyńyz tiisti memlekettik organdarmen jan-jaqty pysyqtalyp, mynany habarlaimyz. Qazaqstan Respýblikasynyń Ulttyq qaýipsizdik komiteti, onomastika salasyndaǵy ýákiletti memlekettik organ men Soltústik Qazaqstan oblysynyń ákimdigi Sizdiń usynysyńyzdy qoldaitynyn bildirdi», - dedi Úkimet basshysy.
Premer-Ministrdiń atap ótýinshe, osy usynysty júzege asyrý maqsatynda aldaǵy ýaqytta tiisti qujattar ázirlenip, QR Prezidenti Ákimshiligine jáne QR Úkimetiniń janyndaǵy Respýblikalyq onomastika komissiiasynyń qaraýyna usynylady.
«Atalǵan másele boiynsha oń qorytyndy alynǵan jaǵdaida, Qazaqstan Respýblikasy Úkimetiniń tiisti sheshimi qabyldanatyn bolady. Sonymen qatar, el tarihynda ózindik orny bar tarihi tulǵalarymyzdyń biri Batyr Baiannyń esimin máńgi este qaldyrý maqsatynda, respýblika boiynsha birqatar sharalar júzege asyrylǵan. Máselen, Aqmola, Qaraǵandy, Soltústik Qazaqstan oblystarynda, Nur-Sultan jáne Almaty qalalarynda batyrymyzdyń esimi berilgen kóshelerdiń bar ekenin qosymsha atap ótemiz», - dedi Asqar Mamin.
