Reseidiń eýropalyq bóliginiń soltústik aýdandarynan Qazaqstanǵa jyljyǵan aýqymdy jáne kúshti antitsiklon respýblikanyń barlyq aimaǵyn aitarlyqtai sýytty, dep habarlaidy "Ult aqparat" «Qazgidromet» RMK-ǵa silteme jasap.
Jeksenbi kúni aýa temperatýrasy osy maýsymdaǵy qalypty kún raiynan 3...8°S tómen boldy, al soltústik jáne shyǵys oblystarda 10...15°S tómendedi.
Tek qiyr ońtústik pen ońtústik-shyǵysta jyly boldy. Biraq, antitsiklonnyń shyǵysqa aýysýy men sýyqtyń kelýine bailanysty osy aýdandarda da aldaǵy táýlikterde aitarlyqtai sýyq bolýy múmkin.
Sondyqtan aldaǵy úsh táýlikte antitsiklonnyń yqpalymen Qazaqstan aýmaǵynyń basym bóliginde sýyq jáne jaýyn-shashynsyz aýa raiy bolady. Biraq, 15 qarashada kúndiz aýa temperatýrasy azdap joǵarylaýy múmkin.
12 qarashada Mańǵystaý oblysynyń kei jerlerinde burqasyn, kóktaiǵaq bolady. Daýyldyń yqtimaldylyǵy 90-95 %.
12 qarasha kúndiz, 13 qarashada táýlik boiy Túrkistan oblysynyń kei jerlerinde shyǵystan jyldamdyǵy 15-20, ekpini 23-28 m/s bolatyn jel soǵady. Daýyldyń yqtimaldylyǵy 90-95 %.
