Búgin halyq aldynda esep berý kezdesýinde QR Densaýlyq saqtaý ministri Aleksei Tsoi aýrýhanalarda infektsiialyq oryndardyń júktemesi týraly túsinik berdi, dep habarlaidy QazAqparat.
«Koronavirýstyq infektsiianyń taralýynyń barlyq táýekelderin eskere otyryp, biz aýrýhanalardaǵy tósek-oryn qorynyń daiyndyǵyn qamtamasyz etý boiynsha sharalar qabyldadyq. Elimiz boiynsha oryndardyń eń joǵary yqtimal sany 62 myńdy qurady, onyń ishinde 36 myńy jumys istep turǵan infektsiialyq oryn, 3 myńnan astamy reanimatsiialyq, 23 myńy rezervtik tósek», - dedi ministr.
Onyń aitýynsha, qazirgi ýaqytta infektsiialyq oryndardyń júktemesi 42 paiyzdy, reanimatsiialyq oryndardyń júktemesi 29 paiyzdy qurady.
