Elimizde áielder men balalardyń máselelerin tiimdi túrde sheshýge arnalǵan «ARUANA» atty Qazaqstan áielderiniń quryltaiy quryldy. Bul jaiynda Almatyda ótken baspasóz máslihatynda aityldy, dep habarlaidy Baq.kz agenttigi.
«ARUANA» Qazaqstan áielderiniń quryltaiy zańdy tulǵalar men jeke kásipkerler birlestigin qurýdaǵy maqsat - áielderdiń, otbasylar men balalardyń máselelerin sheshý maqsatynda áielder bastamalaryn shoǵyrlandyrý”, - deidi «Ihlas Jurek» qoǵamdyq qaiyrymdylyq qory qamqorshylar keńesi tóraiymynyń mindetin atqarýshy Toǵjan Qojalieva.
Sonymen qatar, ol otbasylar men balalardyń máselelerine jalpy taldaý júrgizip, basqa uiymdarmen dáneker retinde júieli túrde jumys jasaityn uiymnyń joqtyǵyn kórsetkenin aitty.
“Buǵan deiin mundai birlestikterdi qurý týraly bir-eki ret umtylys jasaldy, alaida bastamadan ári jumys júrgen joq. Sondyqtan da biz quryltai qurýdy sheshtik jáne áielderdiń, otbasylar men balalardyń máselelerin sheshýmen ainalysyp júrgen barlyq qazaqstandyq uiymdy ortaq kúsh biriktirýge shaqyryp otyrmyz! Áielderdiń sózi kúshti, ári senimdi túrde shyǵýy kerek», - dedi Toǵjan Qojalieva.
.jpeg)