Qazaqstanda bala súie almai júrgen otbasylar úshin "Ańsaǵan sábi" arnaiy baǵdarlamasy iske qosylady. Bul týraly memleket basshysy Qasym-Jomart Toqaev málimdedi, dep habarlaidy "Ult aqparat".
"Eldiń otbasylyq-demografiialyq jaǵdaiy úlken alańdaýshylyq týdyrady. Ókinishke qarai, Qazaqstanda ár altynshy otbasy bala súie almaidy. Áleýmettik saýalnama kórsetkendei, qazaqstandyqtardyń 20 protsenti muny ajyrasýdyń basty sebebi dep sanaidy. Birikken ulttar uiymynyń Qazaqstan halqynyń ósýine qatysty boljamy kóńil kónshitpeidi", - dedi Toqaev.
Osyǵan bailanysty ol úkimetke 2021 jyldan bastap "Ańsaǵan sábi" arnaiy baǵdarlamasyn iske qosýdy tapsyrdy.
Sonymen qatar EKO baǵdarlamasy boiynsha kvota sanyn 7 myńǵa deiin, iaǵni jeti ese kóbeitý qajet ekenin aitty.
