Elimizde alǵash ret Ońtústik Qazaqstan oblysynda Densaýlyq saqtaý basqarmasynyń bastamasymen durys ári tiimdi tamaqtanýdyń mańyzdylyǵyn oqýshylarǵa túsindirý maqsatynda mektepterde densaýlyq buryshtaryn jasaý qolǵa alyndy. Atalǵan sharanyń alǵashqy úlgisi Shymkent qalasyndaǵy №45 mektep-gimnaziiasynda ótken baspasóz kónferentsiiasynda tanystyryldy, dep habarlaidy oblystyq ákimdiktiń baspasóz qyzmeti.
«Búginde jasóspirimder arasynda taǵam túrlerin talǵamai tutynýdyń saldarynan asqazan-ishek aýrýlaryna shaldyǵýshylar jii kezdesedi. Osynyń aldyn alý jumystaryn biz elimizde alǵashqy bolyp, biyldan bastap bilim salasynan densaýlyq saqtaý júiesine berilgen mektep meditsinasyn jetildirýden bastap otyrmyz», - dedi Densaýlyq saqtaý basqarmasynyń basshysy Muqan Egizbaev.
Onyń aitýynsha, bul maqsatta oblys mektepterinde densaýlyq buryshtaryn ashýdy qolǵa alynǵan.
«Eń birinshi kezekte durys ári tiimdi tamaqtanýdyń mańyzdylyǵyn oqýshylardyń sanasyna sińirý kerek. Óitkeni qoǵamymda qoregimizge ainalyp ketken ataýy ádemi fast-výdtyń, iaǵni jyldam ázirlenetin taǵam túrleriniń adam aǵzasyna, ásirese jasóspirimderdiń jetilýine, tolyq adam bolyp qalyptasýyna keri áserleri kóp. Mundai ónimderdiń qanshalyqty ziian eken aityp túsindirsek te ul-qyzdarymyzdy olardan bas tartqyza almai kelemiz. Sondyqtan urpaǵymyzǵa neniń paidaly, neniń ziian ekenin, jaman-jaqsysyn ajyratyp, qolmen ustatyp uǵyndyrýymyz qajet-aq. Densaýlyq buryshynda balalarǵa kúndielikti tutynýdy daǵdyǵa ainaldyrǵan chipsi, snikers, koka-kola siiaqty sýsyn túrleriniń quramyn osylai taldap kórsetsek, onyń áseri jái aityp túsindire salǵannan áldeqaida joǵary bolatyny sózsiz. Tárbielik máni bar mundai jumystar stendterge qoiylyp, biyl oblystyń barlyq mektepterinde ashylatyn densaýlyq buryshtarynda ornatylady. Sondyqtan urpaǵymyzdyń seni saý, bolashaǵymyz jarqyn bolýy úshin barshańyzdy osy bastamamyzdy qoldaýǵa shaqyramyn», - dedi ol.
Basqarma basshysynyń aitýynsha, mektep meditsinasyn jetildirý densaýlyq buryshynda durys tamaqtanýdy nasihattaýmen ǵana shektelmeidi. Óitkeni jasóspirimder arasynda kóz syrqattary, omyrtqalardyń qisaiýy, maitaban aýrýlary jii kóp. Omyrtqa máselesin boldyrmaýda oqýshylardy durys otyrýǵa úiretetin, dene shynyqtyrý jattyǵýlaryn kúndelikti jasaýǵa daǵdylandyratyn, olarmen kúndelikti qarym-qatynas jasaityn muǵalimderdiń kómegi asa qajet. Al, maitabandy anyqtap, aldy alýǵa kómektesetin ploskostop apparaty jyl sońyna deiin aýdan, qalalardaǵy emhanalardyń bárine satyp alyp beriledi. Ornalasqan aýmaqtaryna qarai jergilikti emhanalardyń qyzmetkerleri bolyp tabylatyn mekteptegi medkabinet mamandary atalǵan apparatttyń kómegimen jasspirimderdi tekseriden ótkizetin bolady.
Baspasóz konferentsiiasy barysynda oblystyq salaýatty ómir saltyn qalyptastyrý ortalyǵynyń dárigerleri men mektep oqýshylary durys tamaqtanýdy nasihattap, ol týraly beinerolik kórsetti.
