Foto: pexels.com
Sinoptikter aldaǵy kúnderge arnalǵan aýa raiy boljamyn jariialady, - dep habarlaidy "Ult aqparat".
Aldaǵy kúnderi eldiń batysy men soltústik-batysynda aýa raiy turaqsyz bolady. Jańbyr jaýady, túnde respýblikanyń soltústik-batysynda jańbyr men qar túrinde jaýyn-shashyn bolady, sondai-aq, jel kúsheiedi. Qazaqstannyń qalǵan bóliginde aýa raiy ashyq bolady dep kútilip otyr.
18-19 qazanda eldiń soltústiginde azdaǵan jaýyn-shashyn (negizinen jańbyr) jaýady. Respýblika boiynsha túngi jáne tańǵy ýaqytta tuman túsedi.
"Túnde Qazaqstannyń basym bóliginde aýa temperatýrasy 0-10 gradýs jylyny, soltústik jartysynda, ońtústik-shyǵysyndaǵy taýly aýdandarda 3 gradýs aiazdy kórsetedi. Kúndizgi ýaqytta aýa temperatýrasy birtindep 10-18 gradýstan 5-15 gradýsqa deiin tómendeidi, tek eldiń shyǵysynda, ońtústiginde, ońtústik-shyǵysynda termometr baǵandary birtindep kóteriledi: shyǵysta 5-15 gradýstan 10-18 gradýs jylyǵa deiin, Qazaqstannyń ońtústiginde, ońtústik-shyǵysynda 10-22 gradýstan 15-25 gradýsqa deiin kóteriledi", - delingen habarlamada.
