Almaty, Shyǵys Qazaqstan, Batys Qazaqstan jáne Qaraǵandy oblystaryndaǵy 37 mektepte dárethana máselesi sheshilmei tur, dep habarlaidy QazAqparat.
Bilim jáne ǵylym salasyndaǵy baqylaý komitetiniń tóraiymy Gúlzat Kóbenova Úkimet janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komissiianyń 30-shy otyrysynda osyndai málimet aitty. Áýeli ol eldegi bilim oshaqtarynyń beinekameralarmen jabdyqtalýyna toqtaldy.
«2020 jyldyń sońynda respýblikamyzdyń 1602 mektebinde birlesken buiryqtyń talaptaryna sáikes kelmegen 83 mektepte kemshilik joiyldy. Degenmen, áli de 1519 mekteptiń máselesi sheshilmei otyr. Onyń ishinde Túrkistan oblysynda 687 mektep, Almaty oblysynda 427, Almaty qalasynda 205 mektepte kemshilikter saqtalýda. Bul statistika osy óńirlerdegi bilim uiymdardaǵy beinekameralar atalǵan buiryq talaptaryna sáikes kelmeitinin kórsetedi», - komitet basshysy.
Onyń sózine qaraǵanda, eldegi mektepterdiń basym bóliginde jyly dárethanalar ornatylǵanymen, aýladaǵy dárethanany paidalaný tyiylmai tur.
«2020 jyldyń basynda elimizdiń orta bilim berý uiymdarynda 2700 aýla dárethanasy bolǵan. 2021 jyldyń basynda olardyń sany 148-ge deiin azaidy. 2021 jyldyń I toqsanynda taǵy 13 jyly dárethana ornatyldy. Onyń 12-si Túrkistan oblysynda, bireýi Almaty oblysynda salyndy. Áli de 135 mektepte aýla dárethanasy jumys istep tur. Olardyń 98-inde 2021 jyly jyly dárethana ornatý josparlanǵan. Respýblikanyń 37 mektebinde jyly dárethana ornatý jumystary júrgizilmei jatyr», - degen Gúlzat Kóbenova máselege qyryn qarap otyrǵan óńirlerdi atady.
Iaǵni, Almaty oblysynyń Jambyl, Qarasai, Kóksý, Panfilov, Talǵar, Eńbekshi qazaq aýdandaryndaǵy 18 mektepte jyly dárethanalar qashan ornatylatyny belgisiz. Shyǵys Qazaqstan oblysynyń Tarbaǵatai jáne Altai aýdandarynda, Batys Qazaqstan oblysynyń Qaztalov, Jańaqala aýdandarynda, Qaraǵandy oblysynyń Shet aýdanynda da osyndai problema bar.
«Barlyǵy 2631 mektepte jyly dárethanalarmen qatar aýla dárethanalary da jumys istep tur. Olardyń ishinde búgingi kúni 1381 mektepte syrtqy dárethanalar tolyq joiyldy. Taǵy 396 mektepte aýla dárethanasyn joiý jsoparlanǵan. Degenmen, 854 mektepte bul másele áli sheshilmegen. Jergilikti atqarýshy organdarǵa bul máselege taǵy nazar aýdarý qajet», - dedi ministrlik ókili.
Bilim jáne ǵylym salasyndaǵy baqylaý komitetiniń tóraiymy balabaqshalarada da jyly dárethana problemasy bar ekenin eske saldy.
«Túrkistan oblysynda 4-5 jastaǵy balalary aýladaǵy dárethanaǵa baratyn 199 uiym bar eken. Ákimdik bul máselei búginge deiin sheshpei otyr», - dedi Gúlzat Kóbenova.
