الماتى, شىعىس قازاقستان, باتىس قازاقستان جەنە قاراعاندى وبلىستارىنداعى 37 مەكتەپتە دەرەتحانا مەسەلەسٸ شەشٸلمەي تۇر, دەپ حابارلايدى قازاقپارات.
بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶرايىمى گٷلزات كٶبەنوۆا ٷكٸمەت جانىنداعى كەمەلەتكە تولماعانداردىڭ ٸستەرٸ جەنە ولاردىڭ قۇقىقتارىن قورعاۋ جٶنٸندەگٸ ۆەدومستۆوارالىق كوميسسييانىڭ 30-شى وتىرىسىندا وسىنداي مەلٸمەت ايتتى. ەۋەلٸ ول ەلدەگٸ بٸلٸم وشاقتارىنىڭ بەينەكامەرالارمەن جابدىقتالۋىنا توقتالدى.
«2020 جىلدىڭ سوڭىندا رەسپۋبليكامىزدىڭ 1602 مەكتەبٸندە بٸرلەسكەن بۇيرىقتىڭ تالاپتارىنا سەيكەس كەلمەگەن 83 مەكتەپتە كەمشٸلٸك جويىلدى. دەگەنمەن, ەلٸ دە 1519 مەكتەپتٸڭ مەسەلەسٸ شەشٸلمەي وتىر. ونىڭ ٸشٸندە تٷركٸستان وبلىسىندا 687 مەكتەپ, الماتى وبلىسىندا 427, الماتى قالاسىندا 205 مەكتەپتە كەمشٸلٸكتەر ساقتالۋدا. بۇل ستاتيستيكا وسى ٶڭٸرلەردەگٸ بٸلٸم ۇيىمدارداعى بەينەكامەرالار اتالعان بۇيرىق تالاپتارىنا سەيكەس كەلمەيتٸنٸن كٶرسەتەدٸ», - كوميتەت باسشىسى.
ونىڭ سٶزٸنە قاراعاندا, ەلدەگٸ مەكتەپتەردٸڭ باسىم بٶلٸگٸندە جىلى دەرەتحانالار ورناتىلعانىمەن, اۋلاداعى دەرەتحانانى پايدالانۋ تىيىلماي تۇر.
«2020 جىلدىڭ باسىندا ەلٸمٸزدٸڭ ورتا بٸلٸم بەرۋ ۇيىمدارىندا 2700 اۋلا دەرەتحاناسى بولعان. 2021 جىلدىڭ باسىندا ولاردىڭ سانى 148-گە دەيٸن ازايدى. 2021 جىلدىڭ ٸ توقسانىندا تاعى 13 جىلى دەرەتحانا ورناتىلدى. ونىڭ 12-سٸ تٷركٸستان وبلىسىندا, بٸرەۋٸ الماتى وبلىسىندا سالىندى. ەلٸ دە 135 مەكتەپتە اۋلا دەرەتحاناسى جۇمىس ٸستەپ تۇر. ولاردىڭ 98-ٸندە 2021 جىلى جىلى دەرەتحانا ورناتۋ جوسپارلانعان. رەسپۋبليكانىڭ 37 مەكتەبٸندە جىلى دەرەتحانا ورناتۋ جۇمىستارى جٷرگٸزٸلمەي جاتىر», - دەگەن گٷلزات كٶبەنوۆا مەسەلەگە قىرىن قاراپ وتىرعان ٶڭٸرلەردٸ اتادى.
ياعني, الماتى وبلىسىنىڭ جامبىل, قاراساي, كٶكسۋ, پانفيلوۆ, تالعار, ەڭبەكشٸ قازاق اۋداندارىنداعى 18 مەكتەپتە جىلى دەرەتحانالار قاشان ورناتىلاتىنى بەلگٸسٸز. شىعىس قازاقستان وبلىسىنىڭ تارباعاتاي جەنە التاي اۋداندارىندا, باتىس قازاقستان وبلىسىنىڭ قازتالوۆ, جاڭاقالا اۋداندارىندا, قاراعاندى وبلىسىنىڭ شەت اۋدانىندا دا وسىنداي پروبلەما بار.
«بارلىعى 2631 مەكتەپتە جىلى دەرەتحانالارمەن قاتار اۋلا دەرەتحانالارى دا جۇمىس ٸستەپ تۇر. ولاردىڭ ٸشٸندە بٷگٸنگٸ كٷنٸ 1381 مەكتەپتە سىرتقى دەرەتحانالار تولىق جويىلدى. تاعى 396 مەكتەپتە اۋلا دەرەتحاناسىن جويۋ جسوپارلانعان. دەگەنمەن, 854 مەكتەپتە بۇل مەسەلە ەلٸ شەشٸلمەگەن. جەرگٸلٸكتٸ اتقارۋشى ورگاندارعا بۇل مەسەلەگە تاعى نازار اۋدارۋ قاجەت», - دەدٸ مينيسترلٸك ٶكٸلٸ.
بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶرايىمى بالاباقشالارادا دا جىلى دەرەتحانا پروبلەماسى بار ەكەنٸن ەسكە سالدى.
«تٷركٸستان وبلىسىندا 4-5 جاستاعى بالالارى اۋلاداعى دەرەتحاناعا باراتىن 199 ۇيىم بار ەكەن. ەكٸمدٸك بۇل مەسەلەٸ بٷگٸنگە دەيٸن شەشپەي وتىر», - دەدٸ گٷلزات كٶبەنوۆا.
