2020 jylǵy 1 naýryzdaǵy jaǵdai boiynsha 15 137 azamat jalpy somasy 1,2 mlrd teńgege jumysynan aiyrylǵan jaǵdaida beriletin áleýmettik tólem alatyn boldy, dep habarlaidy "Ult aqparat" QR Eńbek jáne halyqty áleýmettik qorǵaý ministrligine silteme jasap.
Qazaqstanda jumyssyzdardy áleýmettik qoldaý jumyspen qamtýǵa járdemdesý jáne 2005 jyldan bastap engizilgen Memlekettik áleýmettik saqtandyrý qorynyń qarajaty esebinen jumysynan aiyrylǵan jaǵdaida beriletin áleýmettik tólem arqyly júzege asyrylady.
«Memlekettik áleýmettik saqtandyrý qorynan beriletin tólem jumyssyz retinde tirkelgen mindetti áleýmettik saqtandyrý júiesine qatysýshyǵa taǵaiyndalady. Bul rette tólem júiege qatysý merzimine jáne sońǵy 24 aidaǵy kirisine bailanysty 1 aidan 6 aiǵa deiin taǵaiyndalady. Aǵymdaǵy jylǵy 1 naýryzǵa 15 137 azamat jalpy somasy 1,2 mlrd teńgege tólem aldy, ortasha mólsheri 41 418 teńgeni qurady», - delingen habarlamada.
Osylaisha, mindetti áleýmettik saqtandyrý júiesi jumys istegen 15 jyl ishinde MÁSQ-tan tólemniń osy túrine 19,7 mlrd teńge bólingen.
