2024 jyldyń basynan oblystar arasynda qatynaityn barlyq poezdyń quramynda múmkindigi shekteýli jandarǵa arnalǵan vagondar júretin bolady.
Bul týraly Parlament Májilisiniń Áleýmettik-mádeni damý komitetiniń keńeitilgen otyrysynda Indýstriia jáne infraqurylymdyq damý vitse-ministri Berik Kamaliev málim etti.
IIDM ókiliniń aqparatyna sáikes, kólik jáne turǵyn úi-kommýnaldyq sharýashylyq salasynda «kedergisiz orta» qurý boiynsha jumys sheńberinde Ulttyq standart talaptaryna sáikes elimizdegi 300 temirjol vokzaly men stantsiianyń 136-sy múmkindigi shekteýli jandar úshin beiimdelgen.
Sonymen qatar múgedektigi bar azamattarǵa, onyń ishinde balalarǵa temirjol kóliginde jol júrý quny 50% jeńildik qarastyrylǵan, al «Tulpar-Talgo» poiyzdarynda arnaiy oryndarǵa biletterdi resimdeý 70% jeńildikpen júrgiziledi.
Kamaliev ministrlik «Avtomobil kóligi týraly» QR Zańyna túzetýler ázirlegenin atap ótti. Túzetýlerge sáikes qalalyq marshrýttar boiynsha qatynaityn jańa avtobýstar múmkindikteri shekteýli jandarǵa beiimdelýi tiis degen talap kózdeledi. Qazirgi ýaqytta tiisti zań jobasy QR Parlamenti Májilisiniń qaraýynda.
«Respýblika boiynsha turaqty qalalyq marshrýttarda 300-ge jýyq tasymaldaýshy jumys isteidi, avtobýs parkinde 10770 kólik bar. Olardyń 4515-i nemese 30%-y halyqtyń qaýqary az toptaryn tasymaldaýǵa beiimdelgen. Sonymen qatar óńirlerde jalpy sany 375 avtokóligi bar 119 invataksi qyzmeti jumys isteidi», – dedi vitse-ministr.
