1 mamyrdaǵy jaǵdai boiynsha 157,5 myń adam Nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasyna qatysqan. 118,3 myń adam jumysqa ornalasty, onyń 58,2 myńy – turaqty jumyspen qamtyldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
«Eńbek» memlekettik baǵdarlamasyna qatysqan azamattardyń ishinde 110,7 myń adam (70,3%) – jumyssyz, 0,9 myń adam (6,9%) – ózin-ózi jumyspen qamtyǵandar.
Sýbsidiialanatyn jumys oryndaryna 64,3 myń adam jumysqa ornalasty, onyń ishinde: áleýmettik jumys oryndaryna – 11,6 myń, jastar praktikasyna – 9,7 myń, qoǵamdyq jumystarǵa – 43 myń adam.
Eńbek resýrstarynyń utqyrlyǵyn arttyrý úshin aǵymdaǵy jylǵy 1 mamyrdaǵy jaǵdai boiynsha jumys kúshi mol ońtústik óńirlerden 631 otbasy quramynda 2 224 adam qonys aýdardy.
Tehnikalyq jáne kásiptik bilim berý (budan ári – TjKB) uiymdarynda 52,5 myń adam oqýyn jalǵastyrýda, olar stipendiiamen, bir ret ystyq tamaqpen jáne jol júrýge materialdyq kómekpen qamtamasyz etilgen. Aǵymdaǵy jyly TjKB júiesinde 21 myń adamdy oqýmen qamtý josparlanýda.
2020 jylǵy 1 mamyrdaǵy jaǵdai boiynsha qysqa merzimdi oqytý kýrstaryna 676 adam jiberildi, jyl sońyna deiin osy sharamen 18,8 myń adamdy qamtý josparlanýda.
Jyl basynan beri Memlekettik baǵdarlama aiasynda jappai kásipkerlikti damytýǵa 6 mlrd. teńgege 1 164 mikrokredit berildi, onyń 3,67 mlrd. teńgesine 971 aýyl kásipkeri úshin mikrokredit berildi, olar 1 061 jumys ornyn qurǵan.
2020 jylǵa jappai kásipkerlikti damytý sheńberinde kredit berýge arnalǵan qarjylandyrýdyń aldyn ala kólemi 54,2 mlrd.teńgeni quraidy, onyń ishinde 79,9%-y (43,3 mlrd. teńge) aýyldyq jerlerge jáne 20,1%-y (10,9 mlrd. teńge) qalalarǵa keledi. 13 myńnan astam adamdy qamtý josparlanýda, onyń 11 myńyn – aýylda.
Sondai-aq, baǵdarlamaǵa qatysýshylarǵa jańa biznes-ideialardy iske asyrýǵa 200 AEK-ke deiingi mólsherde 23,5 myń memlekettik grant beriledi. 1 mamyrǵa 1,7 myń memlekettik grant berildi.
Budan basqa, 30 myń adam «Bastaý Biznes» jobasy boiynsha kásipkerlik negizderine oqytylady.
