Qazaqstanda halyqtyń nesielik mádenieti tómen deńgeide qalyp otyr. Bul týraly búgin QR Parlamenti Májilisiniń «Kollektorlyq qyzmet týraly» zań jobasy boiynsha jumys tobynyń otyrysynan keiin tilshilerge bergen suhbatynda QR Ulttyq banki tóraǵasynyń orynbasary Oleg Smoliakov málim etti. Bul týraly Ult.kz tilshisi QazAqparat agenttigine silteme jasap habarlaidy.
«Bizde shamamen 5 million jeke tulǵada bank nesieleri bar. Olardyń 1 millionynda bereshek 90 kúnnen asyp ketken. Bankterdiń ssýdalyq portfeliniń 20 paiyzy jeke tulǵalarǵa tiesili. Bul negizinen ipoteka men tutynýshylyq nesieler», - deidi O.Smoliakov.
Onyń sózine qaraǵanda, jeke tulǵalarǵa berilgen nesielerdiń 85 paiyzy eshqandai kepildikpen qamtamasyz etilmegen. Kepildiktiń bolmaýy qaryzdy talap etýdiń qiyndyǵyna bailanysty. Onyń ústine, bankterden nesie alýǵa kelgen qaryz alýshylardyń 64 paiyzy óziniń turǵylyqty jeri men qarjylyq qabiletteri týraly aqparatty jasyrady. O.Smoliakovtiń pikirinshe, bul halyqtyń nesielik mádenieti tómen deńgeide qalyp otyrǵandyǵyn bildiredi.
Aita keteiik, qazir Parlament Májilisinde Ulttyq bank ókilderiniń qatysýymen «kollektorlyq qyzmet» týraly zań jobasy talqylanýda.
