QR DSM Sanitarlyq-epidemiologiialyq baqylaý komitetiniń tóraǵasy Aijan Esmaǵambetova 1 qyrkúiekten bastap elde 165 mektep karantinge jabylǵanyn málim etti, dep habarlaidy "Ult aqparat".
«Osy jyldyń 1 qyrkúieginen bastap elde 165 mektep jabyldy. Qazirgi tańda 66 mektep áli de jabyq tur. Karantin kezeńinde mektep 14 kúnge jabylady. Bul – eń az inkýbatsiialyq kezeń. Eger bir synypta koronavirýs juqtyrǵan birneshe adam anyqtalsa, inkýbatsiialyq kezeń eń sońǵy tirkelgen oqýshydan bastap esepteledi. Iaǵni, mektepter eń az degende 14 kúnge jabylady», - dedi Aijan Esmaǵambetova Ortalyq kommýnikatsiialar qyzmetinde ótken baspasóz máslihatynda.
