QR Ulttyq banki óńirlerdegi infliatsiialyq úrdisterge túsinik berdi, dep habarlaidy QazAqparat.
«2021 jylǵy qyrkúiekte infliatsiia 0,4% qurady (tamyzda – 0,5%). Azyq-túlik taýarlarynyń baǵasy bir aida 0,1%-ǵa (tamyzda – 0,1%), azyq-túlikke jatpaityn taýarlardyń baǵasy 0,6%-ǵa (tamyzda – 0,6%), aqyly qyzmetter baǵasy 0,7%-ǵa ósti (tamyzda – 0,8%). Jyldyq infliatsiia 8,9% qurady (tamyzda – 8,7%). Óńirler boiynsha jyldyq infliatsiianyń ósiminiń jedeldeýi 13 óńirde, báseńdeýi 3 óńirde baiqalyp, 1 óńirde baǵanyń ósý qarqyny ózgerissiz qaldy. Baǵanyń ósý qarqynynyń eń aiqyn baiaýlaýy Pavlodar oblysynda oryn aldy, bul óńirde kórsetkish tamyz aiyndaǵy 9,2%-dan qyrkúiek aiynda 8,8%-ǵa deiin tómendedi. Infliatsiianyń eń joǵary jedeldeýi Qyzylorda oblysynda baiqaldy (8,2%-dan 8,8%-ǵa deiin). Jyldyq infliatsiia 6 óńirde jalpy respýblikalyq deńgeiden joǵary boldy, olardyń ishinde eń úlken mán Mańǵystaý oblysynda tirkeldi (9,8%)», - delingen UB málimetinde.
Almaty qalasy men Almaty oblysy Qazaqstan boiynsha tutyný baǵasy indeksiniń (TBI) ósýine edáýir úles qosýdy jalǵastyrýda (tiisinshe 1,4 p.t. jáne 1,0 p.t.), olardyń TBI-de salmaǵy eń joǵary. Osy óńirlerde baǵanyń ósýi tiisinshe 8,7% jáne 8,5% boldy.
«Qazaqstanda azyq-túlik taýarlary bir jylda 11,5%-ǵa (tamyzda – 11,4%-ǵa) qymbattady. Eń tómengi ósý Shyǵys Qazaqstan (10,5%) jáne Soltústik Qazaqstan (10,6%) oblystarynda, eń joǵary ósý – Mańǵystaý oblysynda (13,1%) baiqaldy. El boiynsha azyq-túlikke jatpaityn taýarlardyń baǵasy 7,5%-ǵa (tamyzda - 7,3%-ǵa) ósti. Azyq-túlikke jatpaityn taýarlar baǵasynyń eń joǵary ósýi Atyraý jáne Aqtóbe oblystarynda (8,0%-dan), eń tómen ósýi – Pavlodar oblysynda tirkeldi (6,8%). Elimizde aqyly qyzmetter 6,8%-ǵa (tamyzda - 6,6%-ǵa) qymbattady, Aqtóbe jáne Jambyl oblystarynda baǵanyń ósýi 8% qurady, Almaty jáne Qyzylorda oblystarynda aqyly qyzmetter baǵasy áldeqaida tómen qarqynmen ósti (6,1%)», - dep atalyp ótken Ulttyq bank habarlamasynda.
Qyrkúiekte ailyq TBI-ǵa azyq-túlik taýarlary infliatsiiasynyń qosqan úlesi (0,10 p.t.) azyq-túlikke jatpaityn taýarlar (0,13 p.t.) men aqyly qyzmetter (0,17 p.t.) infliatsiiasynyń qosqan úlesinen tómenirek boldy. Et jáne et ónimderine baǵanyń ósý qarqyny azyq-túlik infliatsiiasyna eń joǵary úles qosýdy jolǵastyrýda (0,11 p.t.), jemister men kókenister baǵasy 4,7%-ǵa arzandap, azyq-túlik infliatsiiasyna (-)0,13 p.t. shamasynda keri úles qosty.
Jalpy el boiynsha azyq-túlik baǵasy tamyz aiyndaǵydai 0,1%-ǵa ósti. Azyq-túlik taýarlarynyń eń joǵary qymbattaý qarqyny (0,6%) Atyraý oblysy jáne Almaty men Shymkent qalalarynda oryn aldy, sonymen qatar Almaty, Shyǵys Qazaqstan, Soltústik Qazaqstan, Aqtóbe, Qostanai jáne Pavlodar oblystarynda 0,1%-0,6% sheginde azyq-túlik baǵasynyń tómendeýi baiqaldy.
