Istochnik foto: UWW
Memleket basshysy Qasym-Jomart Toqaev grek-rim, erkin jáne áielder kúresi boiynsha Astanada ótken Aziia chempionatynyń jeńimpazdary men júldegerlerin jarqyn jetistikterimen quttyqtady, dep habarlaidy "Ult aqparat" Aqordanyń resmi saityna silteme jasap.
– Sizder bairaqty básekede top jaryp, el abyroiyn asqaqtattyńyzdar. Boz kilemde jeńiske degen erik-jiger men sheberliktiń ozyq úlgisin kórsetip, jankúier qaýymǵa zor qýanysh syiladyńyzdar. Bul – tabandylyq pen qaisarlyqtyń, tynymsyz eńbektiń nátijesi. Sizderdiń jeńisterińiz sportty serik etken jastardy jigerlendirip, biik belesterge bastaityny sózsiz. Elimiz kúres ónerin damytý úshin barlyq jaǵdaidy jasap otyr. Balýandarymyzdyń dúbirli dodalarda úzdikter qatarynan kórinýi – sonyń aiqyn dáleli, – dep jazylǵan Prezidenttiń quttyqtaý hatynda.
Memleket basshysy sportshylarymyzdyń aldaǵy ýaqytta da alaman saiystarda joǵary nátije kórsetip, el mereiin kótere beretinine senim bildirdi.
