Aqtóbede elevatorda oinap júrgen bala 15 metr biikten qulady, - dep habarlaidy Tengrinews.kz agenttigi diapazon.kz basylymyna silteme jasap.
Basylymnyń málimetinshe, 30 mamyrda túngi 00:00 shamasynda politsiiaǵa Janqoja batyr kóshesindegi turǵyn úi aýlasynan 9 jasar balanyń joǵalǵany týraly habar kelip túsken.
Oqiǵa ornyna kelgen politseiler balany kóshedegi qaraýsyz qalǵan eski ǵimaratta es-tússiz jatqan jerinde tapty.
"Balanyń eski ǵimaratta balalarmen oinap júrip 15 metr biikten qulaǵany, kóptegen dene jaraqattaryn alǵany belgili boldy. Ol aýyr halde jansaqtaý bólimine jatqyzyldy", - dep habarlady Aqtóbe oblysy DPD baspasóz qyzmeti.
Balanyń aty - Batyr, ol Aqtóbege Shalqardan demalysqa kelgen. Oblystyq densaýlyq saqtaý basqarmasy balanyń jaǵdaiy aýyr ekenin aitady.
"Balanyń jaǵdaiy óte aýyr. Komada ókpeni jasandy jeldetý apparatynda jatyr", – dep habarlady oblystyq densaýlyq saqtaý basqarmasy.
Qalalyq ákimdik qaiǵyly oqiǵadan keiin ǵimarat qorshalǵanyn aitty.
Al turǵyndar, bul ǵimarat kóptegen jyldar boiy qaraýsyz turǵanyn aityp shaǵymdandy. Aitýlarynsha, ol bankte kepilde tur.
