اقتٶبەدە ەلەۆاتوردا ويناپ جٷرگەن بالا 15 مەتر بيٸكتەن قۇلادى, - دەپ حابارلايدى Tengrinews.kz اگەنتتٸگٸ diapazon.kz باسىلىمىنا سٸلتەمە جاساپ.
باسىلىمنىڭ مەلٸمەتٸنشە, 30 مامىردا تٷنگٸ 00:00 شاماسىندا پوليتسيياعا جانقوجا باتىر كٶشەسٸندەگٸ تۇرعىن ٷي اۋلاسىنان 9 جاسار بالانىڭ جوعالعانى تۋرالى حابار كەلٸپ تٷسكەن.
وقيعا ورنىنا كەلگەن پوليتسەيلەر بالانى كٶشەدەگٸ قاراۋسىز قالعان ەسكٸ عيماراتتا ەس-تٷسسٸز جاتقان جەرٸندە تاپتى.
"بالانىڭ ەسكٸ عيماراتتا بالالارمەن ويناپ جٷرٸپ 15 مەتر بيٸكتەن قۇلاعانى, كٶپتەگەن دەنە جاراقاتتارىن العانى بەلگٸلٸ بولدى. ول اۋىر حالدە جانساقتاۋ بٶلٸمٸنە جاتقىزىلدى", - دەپ حابارلادى اقتٶبە وبلىسى دپد باسپاسٶز قىزمەتٸ.
بالانىڭ اتى - باتىر, ول اقتٶبەگە شالقاردان دەمالىسقا كەلگەن. وبلىستىق دەنساۋلىق ساقتاۋ باسقارماسى بالانىڭ جاعدايى اۋىر ەكەنٸن ايتادى.
"بالانىڭ جاعدايى ٶتە اۋىر. كومادا ٶكپەنٸ جاساندى جەلدەتۋ اپپاراتىندا جاتىر", – دەپ حابارلادى وبلىستىق دەنساۋلىق ساقتاۋ باسقارماسى.
قالالىق ەكٸمدٸك قايعىلى وقيعادان كەيٸن عيمارات قورشالعانىن ايتتى.
ال تۇرعىندار, بۇل عيمارات كٶپتەگەن جىلدار بويى قاراۋسىز تۇرعانىن ايتىپ شاعىمداندى. ايتۋلارىنشا, ول بانكتە كەپٸلدە تۇر.
