Orta salmaqtaǵy boksshy Daniiar Eleýsinov (10-0, 6 KO) kelesi jekpe-jegin sáýir aiynyń ortasynda ótkizýi múmkin, dep habarlaidy QazAqparat Sports.kz saityna silteme jasap.
Buǵan deiin Daniiardyń promoýteri Eddi Hirn qazaqstandyq úshin sáýirde Demetriýs Andrade (29-0, 18 KO) — Liam Ýiliams (23-2-1, 18 KO) boks keshiniń anderkartynda jekpe-jek uiymdastyrý jospary týraly aitqan bolatyn. Endi Matchroom Boxing basshysy aldaǵy ótetin shoýdyń kútilip otyrǵan datasyn naqtylady – bul 17 sáýir. Boks keshi AQSh-tyń Rod-Ailend shtatynyń Providens qalasynda uiymdastyrylmaq.
Qazaqstandyq boksshynyń qarsylasy ázirge belgisiz. Hirnniń aitýynsha, artyq tólem jasaýǵa týra kelse de, olar Eleýsinov úshin myqty qarsylas tabýǵa tyrysady.
Eske sala ketsek, 27 qarasha kúni ótken sońǵy jekpe-jeginde Daniiar burynǵy álem chempiony, Namibiia boksshysy Djýliýs Indongony (23-3, 13 KO) ekinshi raýndta nokaýtqa jiberip, IBF Inter-Continental-dyń bos titýlyn jeńip aldy.
