ورتا سالماقتاعى بوكسشى دانييار ەلەۋسٸنوۆ (10-0, 6 كو) كەلەسٸ جەكپە-جەگٸن سەۋٸر ايىنىڭ ورتاسىندا ٶتكٸزۋٸ مٷمكٸن, دەپ حابارلايدى قازاقپارات Sports.kz سايتىنا سٸلتەمە جاساپ.
بۇعان دەيٸن دانيياردىڭ پروموۋتەرٸ ەددي حيرن قازاقستاندىق ٷشٸن سەۋٸردە دەمەتريۋس اندرادە (29-0, 18 KO) — ليام ۋيليامس (23-2-1, 18 KO) بوكس كەشٸنٸڭ اندەركارتىندا جەكپە-جەك ۇيىمداستىرۋ جوسپارى تۋرالى ايتقان بولاتىن. ەندٸ Matchroom Boxing باسشىسى الداعى ٶتەتٸن شوۋدىڭ كٷتٸلٸپ وتىرعان داتاسىن ناقتىلادى – بۇل 17 سەۋٸر. بوكس كەشٸ اقش-تىڭ رود-ايلەند شتاتىنىڭ پروۆيدەنس قالاسىندا ۇيىمداستىرىلماق.
قازاقستاندىق بوكسشىنىڭ قارسىلاسى ەزٸرگە بەلگٸسٸز. حيرننٸڭ ايتۋىنشا, ارتىق تٶلەم جاساۋعا تۋرا كەلسە دە, ولار ەلەۋسٸنوۆ ٷشٸن مىقتى قارسىلاس تابۋعا تىرىسادى.
ەسكە سالا كەتسەك, 27 قاراشا كٷنٸ ٶتكەن سوڭعى جەكپە-جەگٸندە دانييار بۇرىنعى ەلەم چەمپيونى, ناميبييا بوكسشىسى دجۋليۋس يندونگونى (23-3, 13 كو) ەكٸنشٸ راۋندتا نوكاۋتقا جٸبەرٸپ, IBF Inter-Continental-دىڭ بوس تيتۋلىن جەڭٸپ الدى.
