M.Jumabaev: «Túrkistan - eki dúnie esigi ǵoi, Túrkistan - er túriktiń besigi ǵoi», - dep jyrlaǵandai, búkil túrki eliniń tumary ispetti qalamyzdyń oblys ortalyǵy atanýy shyn máninde rýhani jańǵyrýdyń úlken bir nátijesindei.
Elbasymyz N.Á.Nazarbaevtyń «Qazaqstan Respýblikasynyń Ákimshilik-aýmaqtyq qurylysy týraly» Zańynyń 9-babyna sáikes, Shymkent qalasyna respýblikalyq mańyzy bar qala mártebesin berý jáne oblys ortalyǵyn Túrkistan qalasyna kóshirý týraly Jarlyqqa qol qoiýy halyq úshin qýanyshty jańalyq boldy.
Kóregen ult kóshbasshysynyń «Bolashaqqa baǵdar: rýhani jańǵyrý» atty baǵdarlamalyq maqalasymen astasyp jatqan bul sheshimi túrki elderiniń taǵdyryn toǵystyrǵan kieli qalamyzdyń ósip-órkendeýine tyń serpilis ákelip, qalamyzdyń qaita jańarýyna septigin tigizýde.
Kieli qalamyzdyń endi oblys retinde boi kóterýi qala jastary úshin de mol múmkindikterdiń esigin ashyp otyrǵandyǵy barshaǵa aian. Osy oraida Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda da jastardyń áleýetin arttyrýǵa basymdyq berilgendigin de tilge tiek etkim kelip otyr. Bul oń sheshim búkil halyqtyń tarapynan úlken qoldaýǵa ie boldy. Sebebi, eldiń keleshegi, táýelsizdik tutqasyn ary qarai ustaityn, Elbasynyń aýqymdy strategiialyq mejelerin, maqsattaryn iske asyratyn da jastar ekeni daýsyz. Keler jyldyń «Jastar jyly» dep jariialanýy - óńirimizdegi jastar saiasatyna úlken serpin beretinine senemiz. Qazirgi jastardyń potentsialy óte joǵary. Bilimdi, bilikti jastar kóp. Sondai jastardy qoldap, qýattaý el bolashaǵynyń jarqyn bolýyna jasalǵan mańyzdy qadam.
Adamzat balasynyń qol jetkizgen uly igilikteriniń barlyǵy bilim, bilik, oqý men zerdeleý arqyly jasalǵan. Bilim alý sipaty alýan túrli ekenin eskersek, zamanaýi bilim berý júiesiniń maqsaty - básekege qabiletti, jan-jaqty, kóp til biletin maman daiyndaý. Osy oraida bilim salasy ult Kóshbasshysy N.Nazarbaevtyń nazarynan eshqashan tys qalǵan emes. Mundai qamqorlyqty Elbasynyń árbir Joldaýynan aiqyn ańǵaramyz.
«Bilim berý isinde 4K modeline: kreativtilikti, syni oilaýdy, kommýnikativtilikti damytýǵa jáne komandada jumys istei bilýdi basty nazarda ustaý» - degen bolatyn. Osy oraida qazan Joldaýynan erekshe qýantqany - muǵalimder mártebesi týraly zań qabyldanatyndyǵy. «Muǵalim mártebesi» týraly zań bilim berý qyzmetkerleriniń múddesi úshin jumys jasap, muǵalim mindetine jatpaityn jumystarǵa tartylmaýyn qadaǵalaityn bolady.
Elbasy barlyq memlekettik mektepterge Nazarbaev ziiatkerlik mektebiniń oqytý baǵdarlamasyn engizýdi tapsyrdy. Osy arqyly óskeleń urpaqtyń bilim deńgeii keńeie túsedi. Bilim men ǵylym egiz uǵym desek, prezident ǵylymdy damytý tetikterin aiqyndaýdy da basty mindet etip qoidy.
Elde joǵary bilim granttarynyń sany kóbeitilgenin eske salǵan Elbasy endi joǵary oqý oryndaryn irilendirý saiasatyn júrgizý qajettigin jetkizdi. Nazarbaev Ýniversitetiniń úlgisimen aimaqtyq jańa joǵary oqý ornyn qurý qajettigin, sanǵa emes, sapaǵa qarai qyzmet kórsetý jaǵyn basa aitty. Sondai-aq Elbasy joǵary bilim berý isinde oqý oryndarynyń maman daiyndaý sapasyna qatysty talaptar kúsheitiletindigin eskertti. Nursultan Nazarbaev joǵary oqý oryndaryn irilendirý saiasatyn júrgizip, naryqta tek joǵary sapaly bilim berýdi qamtamasyz etetinderi ǵana qalýy kerek dedi. Munyń barlyǵy elimizdiń damyǵan 30 el qatarynan kórinýi úshin jasalyp jatqan baspaldaqtary desek bolady. Elbasynyń biylǵy Joldaýy talap pen taraptyń úndesýine jol kórsetýshi baǵdar boldy. Baǵdardan baǵytymyzdy buzbasaq, alar asý men jeter jetistigimiz mol bolmaq.
Nurbol DÚISEBEK,
R.Esetov atyndaǵy №20 jalpy orta mektebiniń direktory.
