Foto: BNP Paribas Open
Qazaqstannyń birinshi, álemniń 7-raketkasy Elena Rybakina óziniń rekordtyq kórsetkishin jańartty, dep habarlaidy QazAqparat.
Búgin qazaqstandyq tennisshi Maiami masters týrniriniń ekinshi ainalymynda reseilik Anna Kalinskaiany 7:5, 4:6, 6:3 esebimen utty.
Bul – onyń qatarynan toǵyzynshy jeńisi. Osyǵan deiin ol qatarynan eki ret jeti oiynda qarsylastaryn tize búktirgen edi.
Sonymen qatar Rybakina WTA týrnirlerinde vinner sany jóninen birinshi orynǵa shyqty. Onyń esebinde 253 vinner bar.
Al eis sany (155) boiynsha Elena álem tennisshileri arasynda ekinshi orynda keledi.
Búgingi kezdesýden keiin qazaqstandyq sportshy óz pikirin bildirdi.
«Jeńgenime qýanyshtymyn. Matchty ekinshi sette bitirýime bolatyn edi, alaida azdap kúsh-qýat jetispei qaldy. Meniń qarsylasym qabyldaý kezinde eki ret sátti oinady ári ózim qosarly qate jiberdim. Sondyqtan ekinshi sette sáttilik joldas bolmady, degenmen úshinshi partiiada óz jolymdy taýyp, jeńiske jettim. Mende eki-aq kún demalys boldy. Búgingi kún de uzaryp ketti. Matchty jai aiaqtaýǵa týra keldi. Oǵan qosa munda kort, doptar – bári basqasha, sondyqtan ońai timei tur. Degenmen osy úsh set maǵan úshinshi raýndta kómektesedi dep úmittenemin», - dedi Rybakina.
