Qazaqstannyń birinshi, álemniń 16-raketkasy Elena Rybakina Rolan Garros týrniriniń ekinshi ainalymyna shyqty, dep habarlaidy QazAqparat.
Qazaqstandyq tennisshi alǵashqy kezdesýin dúniejúzilik reitingte 78-orynda turǵan niderlandylyq Arancha Rýspen ótkizdi.
Osyǵan deiin ekeýi ózara bir ret oinap, onda tájiibeli Rýs basym túsken edi.
Bul joly Elena Rybakina matchty qarqyndy bastady - 6:1.
Degenmen ekinshi sette niderlandylyq sportshy ese qaiyrdy - 7:5.
Úshinshi, sheshýshi partiiada qazaqstandyq tennisshi tarazy basyn aýdara bildi - 6:2.
Eki saǵat 20 minýtqa sozylǵan tartysty báseke barysynda E.Rybakina 3 eispen birge 14 breik-pointtyń teń jartysyn paidalandy. Qarsylasy 3 breikke qol jetkizdi.
E.Rybakina ekinshi ainalymda álemniń 135-raketkasy, amerikalyq Keti Volynetspen sheberlik baiqasady.
Ótken jyly E.Rybakina Frantsiia ashyq chempionatynda shirek finalǵa deiin jetip, onda keiin finalist atanǵan reseilik Anastasiia Pavliýchenkovaǵa jol bergen edi.
