Foto: QTF baspasóz qyzmeti
Qazaqstannyń birinshi, álemniń 7-raketkasy Elena Rybakina Maiamide (AQSh) ótip jatqan Miami WTA 1000 týrniriniń finalyna shyqty, - dep habarlaidy "Ult aqparat".
Jartylai finalda Rybakina álemniń 3-raketkasy, amerikalyq Djessika Pegýlamen oinap, 7:6 (7:3), 6:4 esebimen jeńiske jetti.
Bir saǵat 52 minýtqa sozylǵan tartysty báseke barysynda qazaqstandyq tennisshi 11 eis jasap, 15 breik-pointtyń altaýyn paidalandy.
Aita keteiik, kezdesý jańbyrǵa bailanysty eki ret toqtatyldy.
Elena finalda álemniń 12-raketkasy, chehiialyq Petra Kvitova nemese reitingte 74-satydaǵy rýmyniialyq Sorana Kyrstianyń bireýimen jolyǵady.
