Qazaqstandyq Elena Rybakina Qytaidaǵy Shenchjen týrniriniń jartylai finalyna shyqty, dep habarlaidy "Ult aqparat".
Qazirgi kezde dúniejúzilik reitingte 36-orynda turǵan E.Rybakina ekinshi ainalymda álemniń 17-inshi, osy jarystyń 3-raketkasy, belgiialyq Eliza Mertenspen kúsh synasty.
Birinshi partiiada aldymen breik jasaǵan belgiialyq sportshy alǵa shyqty – 2:1. Budan keiin qazaqstandyq sportshy qatarynan tórt geimdi aldy – 5:2. E.Mertens esepti qysqartqanymen, E.Rybakina taǵy bir breikke qol jetkizdi – 6:4.
Ekinshi sette E.Mertens 4:0 esebimen alǵa ketti. E.Rybakina esepti qysqarta aldy – 3:4. Biraq belgiialyq tennisshi bosańsi qoiǵan joq – 6:4.
Úshinshi, sheshýshi partiiada E.Rybakina breik jasap, basymdyq tanyta aldy – 4:1. Sodan keiin matchty taǵy bir breikpen túiindedi – 6:2.
Báseke 1 saǵat 57 minýtqa sozyldy.
E.Rybakina finalǵa shyǵý úshin ýkrainalyq Katerina Bondarenko nemese chehiialyq Kristina Plishkovanyń bireýimen talasady.
Bir atap ótetin jait, 20 jasar E.Rybakina aldaǵy dúisenbi kúni jańartylatyn dúniejúzilik reiting boiynsha Qazaqstannyń birinshi raketkasy atanady.
Eske sala keteiik, budan buryn Zarina Diiastyń Shenchjen týrniriniń jartylai finalyna shyǵa almaǵanyn jazǵan bolatynbyz.
