ەلەنا رىباكينا قىتايداعى شەنچجەن تۋرنيرٸنٸڭ جارتىلاي فينالىنا شىقتى

قازاقستاندىق ەلەنا رىباكينا قىتايداعى شەنچجەن تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".

قازٸرگٸ كەزدە دٷنيەجٷزٸلٸك رەيتينگتە 36-ورىندا تۇرعان ە.رىباكينا ەكٸنشٸ اينالىمدا ەلەمنٸڭ 17-ٸنشٸ, وسى جارىستىڭ 3-راكەتكاسى, بەلگييالىق ەليزا مەرتەنسپەن كٷش سىناستى.

بٸرٸنشٸ پارتييادا الدىمەن برەيك جاساعان بەلگييالىق سپورتشى العا شىقتى – 2:1. بۇدان كەيٸن قازاقستاندىق سپورتشى قاتارىنان تٶرت گەيمدٸ الدى – 5:2. ە.مەرتەنس ەسەپتٸ قىسقارتقانىمەن, ە.رىباكينا تاعى بٸر برەيككە قول جەتكٸزدٸ – 6:4.

ەكٸنشٸ سەتتە ە.مەرتەنس 4:0 ەسەبٸمەن العا كەتتٸ. ە.رىباكينا ەسەپتٸ قىسقارتا الدى – 3:4. بٸراق بەلگييالىق تەننيسشٸ بوساڭسي قويعان جوق – 6:4.

ٷشٸنشٸ, شەشۋشٸ پارتييادا ە.رىباكينا برەيك جاساپ, باسىمدىق تانىتا الدى – 4:1. سودان كەيٸن ماتچتى تاعى بٸر برەيكپەن تٷيٸندەدٸ – 6:2.

بەسەكە 1 ساعات 57 مينۋتقا سوزىلدى.

ە.رىباكينا فينالعا شىعۋ ٷشٸن ۋكراينالىق كاتەرينا بوندارەنكو نەمەسە چەحييالىق كريستينا پليشكوۆانىڭ بٸرەۋٸمەن تالاسادى.

بٸر اتاپ ٶتەتٸن جايت, 20 جاسار ە.رىباكينا الداعى دٷيسەنبٸ كٷنٸ جاڭارتىلاتىن دٷنيەجٷزٸلٸك رەيتينگ بويىنشا قازاقستاننىڭ بٸرٸنشٸ راكەتكاسى اتانادى.

ەسكە سالا كەتەيٸك, بۇدان بۇرىن زارينا ديياستىڭ شەنچجەن تۋرنيرٸنٸڭ جارتىلاي فينالىنا شىعا الماعانىن جازعان بولاتىنبىز.