Qazaqstandyq Elena Rybakina Qytaidaǵy Shenchjen týrniriniń finalyna shyqty, dep habarlaidy "Ult aqparat".
Osy aptadaǵy tabysy arqasynda Qazaqstannyń birinshi raketkasy atanyp úlgergen E.Rybakina jartylai finalda reitingte 66-orynda turǵan chehiialyq Kristina Plishkovamen kezdesti.
Oiyn tizginin birden qolǵa alǵan qazaqstandyq tennisshi birinshi partiiada 6:2 esebimen basym tústi.
Ekinshi sette esep 6:5 bolǵan mezette Elena matchty breikpen túiindedi – 7:5.
Báseke 1 saǵat 13 minýtqa sozyldy.
E.Rybakina júlde qory 775 myń AQSh dollaryna baǵalanǵan jarystyń finalynda álemniń 35-inshi, osy týrnirdiń 5-raketkasy, burynǵy otandasy, reseilik Ekaterina Aleksandrovamen bas júldeni sarapqa salady. Ol jartylai finalda ispaniialyq Garbine Mýgýrýsany 6:4, 6:3 esebimen súrindirdi. Ispaniialyq sportshy shirek finalda qazaqstandyq Zarina Diiasty jeńip ketken bolatyn.
Eske sala keteiik, budan buryn E.Rybakinanyń Shenchjen týrniriniń jartylai finalyna shyqqanyn jazǵan bolatynbyz.
