ەلەنا رىباكينا قىتايداعى شەنچجەن تۋرنيرٸنٸڭ فينالىنا شىقتى

قازاقستاندىق ەلەنا رىباكينا قىتايداعى شەنچجەن تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".

وسى اپتاداعى تابىسى ارقاسىندا قازاقستاننىڭ بٸرٸنشٸ راكەتكاسى اتانىپ ٷلگەرگەن ە.رىباكينا جارتىلاي فينالدا رەيتينگتە 66-ورىندا تۇرعان چەحييالىق كريستينا پليشكوۆامەن كەزدەستٸ.

ويىن تٸزگٸنٸن بٸردەن قولعا العان قازاقستاندىق تەننيسشٸ بٸرٸنشٸ پارتييادا 6:2 ەسەبٸمەن باسىم تٷستٸ.

ەكٸنشٸ سەتتە ەسەپ 6:5 بولعان مەزەتتە ەلەنا ماتچتى برەيكپەن تٷيٸندەدٸ – 7:5.

بەسەكە 1 ساعات 13 مينۋتقا سوزىلدى.

ە.رىباكينا جٷلدە قورى 775 مىڭ اقش دوللارىنا باعالانعان جارىستىڭ فينالىندا ەلەمنٸڭ 35-ٸنشٸ, وسى تۋرنيردٸڭ 5-راكەتكاسى, بۇرىنعى وتانداسى, رەسەيلٸك ەكاتەرينا الەكساندروۆامەن باس جٷلدەنٸ ساراپقا سالادى. ول جارتىلاي فينالدا يسپانييالىق گاربينە مۋگۋرۋسانى 6:4, 6:3 ەسەبٸمەن سٷرٸندٸردٸ. يسپانييالىق سپورتشى شيرەك فينالدا قازاقستاندىق زارينا ديياستى جەڭٸپ كەتكەن بولاتىن.

ەسكە سالا كەتەيٸك, بۇدان بۇرىن ە.رىباكينانىڭ شەنچجەن تۋرنيرٸنٸڭ جارتىلاي فينالىنا شىققانىن جازعان بولاتىنبىز.