Foto: QTF
Qazaqstannyń birinshi raketkasy Elena Rybakina Dýbaida (BAÁ) ótip jatqan World Tennis League komandalyq týrniriniń toptyq básekesinde ekinshi jeńisine qol jetkizdi, dep habarlaidy QazAqparat portaly.
Elena Rybakina germaniialyq Aleksandr Zverevpen birge aralas synda kanadalyq Feliks Oje-Aliassim – úndistandyq Sania Mirzamen sheberlik baiqasty.
Qazaqstandyq-germaniialyq jup 7:5, 3:6, 10:5 esebimen jeńiske jetti. 1 saǵat 23 minýtqa sozylǵan báseke barysynda olar 8 eis jasap, 6 breik-pointtyń bireýin paidalana bildi.
«Qarshyǵalar» tobynda óner kórsetip jatqan E.Rybakina 23 jeltoqsanda álemniń 4-raketkasy, frantsiialyq Karolin Garsiiamen oinaidy.
Elena bastapqy kezdesýinde álemniń 5-raketkasy, Belarýs ókili Arina Sobolenkony utqan edi.
