Foto: Sports.kz
Qazaqstannyń birinshi, álemniń 4-raketkasy Elena Rybakina Rim WTA 1000 týrnirinde ótken jylǵy chempiondyq ataǵyn qorǵaýdan bas tartty, dep habarlaidy «Ult aqparat» Shampionat.com saityna silteme jasap.
Taratylǵan málimetke qaraǵanda, buǵan tennisshiniń aýyryp qalǵany sebep bolǵan. E.Rybakina búgin ekinshi ainalymda dúniejúzilik reitingide 161-orynda turǵan rýmyniialyq Irina Begýmen oinaýy kerek edi. Endi ony frantsiialyq Osean Doden almastyrady.
Osylaisha, Elena Rybakina Rimde chempiondyq ataǵyna qosa ótken jylǵy reitingilik upaiynan aiyryldy.
«Biyl Rim týrnirine qatysýdan bas tartýyma bailanysty ókinish bildiremin. Jarysqa túsý úshin ózimdi oidaǵydai sezine almai turmyn. Ótken jylǵy dodadan jaqsy estelikter qaldy. Men óz titýlymdy qorǵaýdy taǵatsyzdana tostym. Rim – men úshin erekshe qala. Endi chempiondyq ataǵymdy qaitarý jáne italiialyq jankúierler aldynda oinaý úshin kelesi jyldy kútemin», - dedi qazaqstandyq tennisshi.
Sonymen qatar Qazaqstannyń erler arasynda birinshi, álemniń 17-raketkasy Aleksandr Býblik te jekelei synda Rim masters týrnirinde jeńilip qaldy. Ol ekinshi ainalymdaǵy bastapqy kezdesýinde kútpegen jerden reitingide 53-satydaǵy portýgaliialyq Nýný Borjeshke ese jiberdi – 4:6, 4:6.
Eske sala keteiik, budan buryn Iýliia Pýtintsevanyń Rimde AQSh chempionyn tize búktirgenin jazǵan bolatynbyz.
Iu.Pýtintseva úshinshi ainalymda álemniń 1-raketkasy, Polsha ókili Iga Shventekpen oinaidy.
