Áielder tennisi qaýymdastyǵy (WTA) jańartylǵan álemdik reitingini jariia etti, dep habarlaidy QazAqparat.
Qazaqstannyń birinshi raketkasy Elena Rybakina úsh satyǵa joǵarylap, 22-orynǵa jaiǵasty.
Elimizdiń úzdik tennisshisi Sloveniiadaǵy Portoroj jarysynyń finalyna deiin jetýi arqasynda reitingilik upai sanyn 1855-ke jetkizdi.
Rybakina búgin bastalǵan Tokio WTA 500 týrnirinde sátti óner kórsetse, reitingisin jaqsarta alady. Ol erteń álemniń 30-raketkasy, reseilik Liýdmila Samsonovamen alǵashqy ainalymda kortqa shyǵady.
Álemdik reitingide taǵy bir qazaqstandyq Iýliia Pýtintseva 36-dan 41-ge tómendedi.
Juptyq synda Anna Danilina 20-ornynda qalsa, Rybakina 102-den 100-satyǵa kóterildi.
