EGov.kz portalynda qashyqtyqtan ETsQ alý mobildi telefon kamerasy arqyly qoljetimdi bolady, dep habarlaidy «Ulttyq aqparattyq tehnologiialar» AQ baspasóz qyzmeti.
23 sáýirden bastap eGov.kz portalynda elektrondyq tsifrlyq qoltańbany (ETsQ) alý úshin Digital ID beine tekserýi kompiýterdiń kamerasyn qoldanbai-aq qoljetimdi bolady.
El turǵyndary úshin ETsQ-ny qashyqtan alý protsesi burynǵydan da qoljetimdi jáne yńǵaily boldy. Beine tekserý servisi - Digital ID paidalanýshylarǵa kompiýterde kamera bolmaǵan jaǵdaida nemese jaramsyz bolǵan kezde QR -kodtyń kómegimen ETsQ-ny qashyqtan alý úshin sáikestendirý rásiminen ótýge múmkindigin beredi. Jańa jańartýlar jeke jáne zańdy tulǵalar úshin qoljetimdi.
«ETsQ alý – eGov.kz portalynda óte tanymal servis. Tek osy jyldyń ózinde ony 4,8 mln ret memlekettik qyzmetterdi alý úshin jasaǵan. Bizge azamattar kompiýterde kamera joq nemese jumys istemeidi degen shaǵymdarmen kóp keledi. Bul ózgerister ETsQ-ny qashyqtan alý protsesin jeńildetedi jáne yńǵaily etedi», - dep atap ótti «Ulttyq aqparattyq tehnologiialar» AQ Basqarma Tóraǵasy Rostislav Koniashkin.
Jańartýlardy paidalaný úshin telefon kamerasyn kompiýter ekranynda kórsetilgen QR-kodyna baǵyttap, beine tekserýden ótý kerek. Sáikestendirý sátti rastalǵannan keiin óz kompiýterińizde ETsQ alýdyń ádettegi tásilin jalǵastyrý qajet.
