QR Bilim jáne ǵylym ministri Ashat Aimaǵambetov elektrondy oqýlyqtardyń engizilýine qatysty pikir bildirdi, dep habarlaidy QazAqparat tilshisi.
Mektep oqýlyqtary EPUB elektrondyq formatynda qol jetimdi bolady. Bul oqýshylarǵa kez-kelgen elektrondy qurylǵylarda ashýǵa múmkindik beredi.
«Biz qazir respýblika boiynsha 1-den 10-qa deiingi oqýshylarǵa arnalǵan barlyq oqýlyqtardyń elektrondy nusqalaryn engizýdemiz. Olar ministrliktiń saitynda ornalastyrylady. Olardy QR-kod arqyly júkteýge bolady », - dedi ministr.
Buǵan deiin, QR BǴM 1 qyrkúiekten bastap EPUB formatyndaǵy 1-10 synyptarǵa arnalǵan oqýlyqtardyń elektrondy nusqalary ministrliktiń saitynda ornalastyrylatyny týraly habarlanǵan bolatyn. Bul oqýshylarǵa elektrondy qurylǵylar arqyly oqýlyqtardy qoldanýǵa jáne sómkesiniń salmaǵyn jeńildetýge múmkindik beredi.
Densaýlyq saqtaý ministrligi belgilegen normalarǵa sáikes, 1-3 synyp oqýshylarynyń mektep sómkesiniń salmaǵy eki keliden aspaýy kerek. 4-6 synyp oqýshylarynyń riýkzaktarynyń salmaǵy eki jarym keliden aspaýy tiis. 8-den 11-ge deiin, belgilengen norma bes keliden sál az.
