Ulttyq qaýipsizdik komiteti 2020 jylǵy mamyrda «goszakup.gov.kz» memlekettik Internet-resýrsynyń jumysyn ýaqytsha toqtatqan «Elektrondyq memlekettik satyp alý» aqparattyq júiesine (Qazaqstan Respýblikasynyń aqparattyq-kommýnikatsiialyq infraqurylymynyń asa mańyzdy obektisi bolyp tabylady) úilestirilgen kibershabýyl (DDos tipti) faktisi boiynsha qylmystyq isti tergep-tekserýdi aiaqtady. Bul týraly "Ult aqparat" QR Ulttyq qaýipsizdik komitetiniń resmi saityna silteme jasap habarlaidy.
Kórsetilgen kibershabýyl saldarynan jalpy somasy 164 mlrd teńgege 7901 memlekettik satyp alý aýystyryldy.
Jedel-izdestirý is-sharalary barysynda, onyń ishinde «EQO» AQ (elektrondyq qarjy ortalyǵy) járdem kórsetýimen elektrondyq memlekettik satyp alýǵa qatysý kezinde keiinnen artyqshylyqtar alý maqsatynda memlekettik Internet-resýrsqa kibershabýyl jasaǵan QR azamaty anyqtaldy.
Tergep-tekserý jáne júrgizilgen kompiýterlik-tehnikalyq saraptama nátijeleri boiynsha adamnyń kinási tolyq dáleldendi, qylmys jasaý quraldary alyndy.
2020 jylǵy 22 jeltoqsanda Nur-Sultan qalasy Saryarqa aýdandyq sotynyń sheshimimen sottalýshy QR QK 207-babynyń 2-bóligi 1-tarmaǵy «Aqparattyq júieniń nemese telekommýnikatsiia jelileriniń jumysyn buzý» boiynsha kináli dep tanylyp, 3 jyl merzimge elektrondyq memlekettik satyp alý salasyndaǵy qyzmetpen ainalysý quqyǵynan aiyrýmen 2 jyl merzimge bas bostandyǵyn shekteý túrinde jazalandy.
