«Eńbek resýrstaryn damytý ortalyǵy» AQ (ERDO) derekteri boiynsha sońǵy aida Elektrondyq eńbek birjasynda (EEB) belsendilik kúrt ósti. Sáýir aiynda EEB-daǵy bos oryndar sany 26,5 myńǵa ósip, 89 myńǵa deiin, al túiindemeler sany 18,1 myńǵa artyp, 69,3 myńǵa jetti, dep habarlaidy QazAqparat.
Sáýir aiynda EEB-daǵy bos oryndar sany 42%-ǵa, al túiindemeler sany 35%-ǵa ósti. Bos jumys oryndarynyń kópshiligin ózge de qyzmetter men aýyl sharýashylyǵy sektorlarynyń kásiporyndary ornalastyrǵan.
Eńbek jáne hylyqty áleýmettik qorǵaý ministrligi málimetinshe, sáýir aiynda EEB-daǵy jumys boiynsha usynystardyń jalpy sanynyń ósý sebepteriniń biri maýsymdyq jumystardyń bastalýy jáne kásiporyndar qyzmetiniń keńeiýi bolyp otyr. Negizinen joǵary bilikti mamandar (+4,3 myń), qyzmet kórsetý jáne satý salasynyń qyzmetkerleri (+3,5 myń), jabdyq operatorlary, jinaýshylar men júrgizýshiler (+2,8 myń) úshin bos oryndar ulǵaiyp, barlyq kásip toptarynyń esebinen ósim oryn aldy. Sondai-aq, kadrlardyń qarqyndy aýysýyna bailanysty bilikti emes jumysshylarǵa suranys árdaiym joǵary bolyp tur, olar boiynsha bos oryndar sany 9,6 myńǵa artty.
«Sonymen qatar, sáýir aiynda «fermerler men aýyl sharýashylyǵy qyzmetkerleri» sanatynda jańa bos oryndardyń eń joǵary ósimi baiqaldy. Máselen, bir ai ishinde osy sanat boiynsha bos oryndar sany 2,4 esege 1,6 myńǵa deiin ósti, bul kóktemgi egis jumystaryn júrgizý aiasynda zańdy kórsetkish. Bir qyzyǵy, osy sanatqa jatatyn jumys izdeýshiler arasyndaǵy túiindemeler sany da 2,1 esege artqan», – dedi ERDO Strategiia jáne jobalyq basqarý departamentiniń taldaý basqarmasynyń basshysy Ulpan Shegenova.
Jeke kásipterge keletin bolsaq, kúzetshi (+1,4 myń), avtomobil júrgizýshisi (+0,9 myń), jalpy praktika dárigeri (+6 myń), býhgalter (+0,4 myń) jáne dúken satýshysy (+0,4 myń) siiaqty mamandyqtar boiynsha bos jumys oryndary sanynyń birshama ósýi baiqaldy. Biliktiligi joq eńbekti kózdeitin mamandyqtar arasynda qosalqy jumysshylar men túrli jumystardy atqaratyn jumyskerler, sonyń ishinde fermerlik sharýashylyq úshin bos jumys oryndarynyń eń kóp ósýi baiqaldy.
Sáýir aiynda túiindemeler sanynyń negizgi ósýi bos jumys oryndary siiaqty jumys toptary boiynsha kandidattar arasynda tirkeldi: joǵary sanatty mamandar (+2,8 myń), fermerler men aýyl sharýashylyǵy qyzmetkerleri (+2,1 myń), qyzmet kórsetý jáne satý salasynyń qyzmetkerleri (+1,9 myń) jáne biliktiligi joq jumysshylar (+8,4 myń).
«Óńirlik taldaý kórsetkendei, jumys týraly usynystardyń eń kóp sany Qostanai oblysynda – eldegi barlyq bos oryndar sanynyń 13%-yn quraidy (11,6 myń). Óńirdegi bos oryndardyń kóp bóligin basqa qyzmet túrlerin usyný, aýyl sharýashylyǵy jáne dándi daqyldardy ósirý, densaýlyq saqtaý, joldar men avtomobil joldaryn salý salasyndaǵy kásiporyndar jariialady. Sondai-aq, jeke jumyspen qamtý agenttikteri EEB-ny belsendi paidalanady, oblystaǵy bos jumys oryndarynyń 43% - yn jumyspen qamtý agenttikteri jariialaǵan. Mamandyqtar boiynsha Qostanai óńiriniń kásiporyndaryna daiashylar men kúzetshilermen qatar júrgizýshiler, traktorshylar, avtoslesar, ártúrli jumysshylar, sondai-aq dánekerleýshiler jii qajet boldy», – dep atap ótti Ulpan Shegenova.
EEB-daǵy bos oryndar sany boiynsha kóshbasshylar úshtigine Nur-Sultan (10,1 myń) jáne Almaty (8,9 myń) megapolisteri kirdi, munda bos oryndar bárinen buryn ózge qyzmetter men mamandandyrylmaǵan dúkenderdegi bólshek saýda sektorlarynyń kásiporyndary endi.
