2021 jylǵy 1 naýryzdan bastap Elektrondyq eńbek birjasy jańartylǵan formatta jumys istei bastady: jumys berýshini nemese jumyskerdi izdeý kriteriileri keńeitildi, «Eńbek» memlekettik baǵdarlamasy sheńberinde qonys aýdarý boiynsha aqparat qosyldy, sondai-aq buryn qoljetimdi servister jaqsartyldy.
Bul týraly QR Eńbek jáne halyqty áleýmettik qorǵaý ministrliginiń baspasóz qyzmeti habarlady.
Jyl basynan beri 15 myńnan astam adam EEB-daǵy qoljetimdi servisterdi paidalana otyryp, jumys izdep júrgen adam mártebesin aldy, 13 myń adam jumyssyz retinde tirkeldi, 4 myńnan astam adam memleket sýbsidiialaityn jumys oryndaryna jumysqa ornalasty. Sondai-aq, 1,4 myńnan astam jumyssyz proaktivti túrde ótinish joldap, Memlekettik áleýmettik saqtandyrý qorynan jumysynan aiyrylý boiynsha áleýmettik tólem aldy.
Kez kelgen EEB paidalanýshysy kórsetilgen qyzmetterdi naqty ýaqytta portaldyń basty betinde kóre alady.
Sondai-aq, EEB jańartylǵan nusqasyn iske qosqannan keiin, paidalanýshyǵa jumysqa ornalasý aimaǵy, bilim deńgeii, jumys kestesi jáne t. b. boiynsha sipattamalardyń úlken aýqymy boiynsha bos jumys oryndary men túiindemelerdi tabýǵa múmkindik beretin jańa keńeitilgen izdeý múmkindigi paida boldy.
EEB-da kásipterdiń jańartylǵan anyqtamalyǵy men daǵdylar banki engizildi. Endi jumys berýshi qyzmetkerlerdi tek talap etiletin mamandyq boiynsha ǵana emes, sonymen qatar kandidattardyń qajetti kásibi daǵdylarynyń bolýy boiynsha da tańdai alady.
Portalda halyqqa memlekettik qyzmetterdi kórsetý boiynsha onlain-servis qoljetimdi: EEB arqyly jumyssyz retinde, jumys izdep júrgen adam retinde tirkelýge, jumysynan aiyrylý boiynsha áleýmettik tólemge ótinim jiberýge jáne memleket sýbsidiialaityn bos jumys oryndaryn – jastar praktikasyn, áleýmettik jumys oryndaryn, qoǵamdyq jumys oryndaryn tańdaýǵa bolady.
Elektrondyq eńbek birjasynda alǵash ret Nátijeli jumyspen qamtýdy jáne jappai kásipkerlikti damytý «Eńbek» memlekettik baǵdarlamasyna qatysýshylardy erikti túrde kóshirý boiynsha aqparat berý servisi jumys istei bastady.
Paidalanýshylar qonys aýdarý óńirlerimen, memlekettik qoldaý sharalarymen, tańdalǵan eldi mekenderde turý jaǵdailarymen jáne onda bar ózekti bos jumys oryndarymen tanysa alady.
Jyl boiy EEB-da jańa servister men qosymsha múmkindikterdi engizý josparlanýda.
