«Azamattarǵa arnalǵan úkimet» korporatsiiasynyń «Daryndylar pýlyna» ótinim qabyldaý bastaldy, dep habarlaidy "Ult aqparat".
Korporatsiianyń kadr rezervine ótinish bergisi keletin úmitkerlerge talent.gov4c.kz saitynda tirkeýden ótý qajet. Ótinim berý kezinde júiede jeke derekterdi toltyryp, óńirdi, jumys isteitin/jumys istegen uiymnyń ataýyn, laýazymdy jáne qyzmet baǵytyn kórsetý qajet. Sonymen qatar tirkeý barysynda bilimi, jumys ótili, bailanys telefony jáne elektrondyq poshta týraly málimet toltyrylady. Sondai-aq úmitker jeke kýáliginiń, diplomynyń, sertifikattarynyń jáne usynymhattarynyń (keminde úsh) kóshirmelerin tirkeýi kerek. Tirkeý rásiminen keiin kórsetilgen poshtaǵa rastaý-hat jiberiledi, hatta kórsetilgen silteme boiynsha ótken soń, úmitker paidalanýshy kelisimine ETsQ-kiltpen qol qoiýy shart.
«Onlain ótinish berý platformasy túsinikti ári yńǵaily. Jobaǵa tirkelgen tulǵalar jeke kabinetinde aqparatty tolyqtyryp, irikteýdiń kezeńderi men nátijelerin kóre alady. Bul kandidattardy irikteý protsesiniń tolyq ashyqtyǵyn dáleldeidi. Ótinimderdi qabyldaý 10 naýryzǵa deiin jalǵasady», – deidi memlekettik korporatsiianyń tóraǵasy Ádil Qojyqov.
Úmitkerler 3 kezeńnen turatyn irikteýden ótedi. Testileý kezeńderin sátti tapsyrǵandar memlekettik jáne qoǵam qairatkerlerinen, HR sarapshylarynan jáne Memlekettik korporatsiianyń Basqarma múshelerinen turatyn saraptama komissiiasynyń múshelerimen áńgimelesýden ótedi. Qorytyndysynda joǵary nátije kórsetken úmitkerler tiisti bos laýazymdarǵa taǵaiyndaý maqsatynda kadr rezervine alynady.
