BUU reitinginde 2020 jyly Qazaqstanda elektrondy úkimet deńgeii 10 pozitsiiaǵa jaqsarǵan. Bul týraly QR Memlekettik qyzmet isteri jónindegi agenttiktiń memlekettik qyzmet departamentiniń direktory Eldar Úisimbaev málim etti, dep habarlaidy QazAqparat.
«Memlekettik qyzmet isteri jónindegi agenttiginiń basty jumystarynyń biri – memlekettik qyzmettiń sapasyn arttyrý. Búgingi tańda tsifrlandyrý el ómiriniń ajyramas bóligine ainaldy. Tsifrlandyrý sonymen qatar memlekettik qyzmetti kórsetý salasyna da oń áserin tigizdi. Qazirge deiin elde kórsetiletin memlekettik qyzmetterdiń 90 paiyzdan astamy elektrondy formatqa aýystyrylǵan. Osynyń arqasynda memlekettik qyzmetti kórsetý protsedýrasyndaǵy zańsyzdyq úsh ese azaidy. Jumysymyzdyń jemisin mynadan kóremiz: BUU reitinginde 2020 jyly Qazaqstanda elektrondy úkimet deńgeii 10 pozitsiiaǵa jaqsarǵan. Qazirgi ýaqytta Qazaqstan 193 memleket bar reitingte 29-shy orynda tur», - dedi Eldar Úisimbaev elordada ótken baspasóz máslihatynda.
Onyń aitýynsha, kópshilik paidalanbai jatqan memlekettik qyzmetterdiń túrleri de bar.
«Áitse de elektrondy úkimet portalynda qoljetimsiz memlekettik qyzmettiń 54 túri bar bolyp shyqty. «Jumys istemei» turǵan memlekettik qyzmettiń kóbi Syrtqy ister ministrligine, Eńbek jáne halyqty áleýmettik qorǵaý, Densaýlyq saqtaý, Bilim jáne ǵylym, Ishki ister, Mádeniet jáne sport, Aýyl sharýashylyǵy jáne Qarjy ministrligine tiesili», - dedi ol.
