QR Densaýlyq saqtaý birinshi vitse-ministri Marat Shoranov vaktsinalaýdyń elektrondy pasportynyń ne úshin engizilgenin túsindirdi, dep habarlaidy "Ult aqparat".
Ortalyq kommýnikatsiialar qyzmetinde ótken baspasóz máslihatynda vitse-ministr «Vaktsinatsiia elektrondy pasportynyń zańdy kúshi bar ma? Vaktsina almaǵandarǵa qandai da bir shekteý qoiyla ma?» degen suraqqa jaýap berdi.
«Elektrondy pasporty engizýdiń basty maqsaty – immýndyq statýsty bilý jáne bolashaqtaǵy vaktsinalaýdy josparlaý. Ózderińizge málim, sońǵy eki jylda qaǵazsyz aýrýhanaǵa aýysyp, derekterdi, operatsiialardy aqparattyq júiege engizip júrmiz. Bul aqparattyń meditsinalyq qyzmetkerge ǵana emes, jalpy halyqqa qoljetimdi bolýy úshin mobildi qosymsha, el úkimet arqyly aqparat alýǵa bolady. Bul rasynda da bolashaqta koronavirýsqa qarsy vaktsinalaýdy josparlaý úshin jáne immýndyq statýsty anyqtaý úshin jasalady. Al vaktsinalaý pasporty joq turǵyndarǵa eshqandai shekteý ázirge kózdelmegen jáne ondai maqsat qoiyp otyrǵan joqpyz», - dep jaýap berdi Marat Shoranov.
