Ótken jyly elektrondy eńbek birjasynda 925 myń bos jumys orny ornalastyryldy, bul 2019 jylǵy (831 myń) kórsetkishten 11% artyq. Bul rette ótken jyly bilikti qyzmetkerlerge arnalǵan 600 myń bos jumys orny boldy. 2019 jyly bilikti eńbekke degen qajettilik 590 myńdy qurady, dep habarlaidy "Ult aqparat".
Ornalastyrylǵan túiindemelerdiń sany 2020 jyly 630 myń boldy, bul ótken jylǵy kórsetkishten 10% artyq (2019 jyly - 570 myń). Ornalastyrylǵan bos jumys oryndarynyń 367 myńy bilikti eńbekti qajet etedi (2019 jyly - 359 myń).
«Ótken jyly el boiynsha bos jumys oryndary túiindemelerge qaraǵanda orta eseppen 300 myńǵa jýyq artyq boldy. Onyń 233 myńǵa jýyǵy – bilikti eńbekti qajet etetin bos jumys oryndary. Alaida, óńirler turǵysynan Qyzylorda, Túrkistan, Atyraý, Mańǵystaý jáne Jambyl oblystarynda túiindemelerdiń sany bos jumys oryndarynyń sanynan sál asyp ketkenin atap ótýge bolady», – dep habarlady «Eńbek resýrstaryn damytý ortalyǵy» AQ boljamdaý departamentiniń direktory Dmitrii Shýmekov.
Ekonomika salalary boiynsha bos jumys oryndarynyń eń kóp sany (185,8 myń) qurylys sektorynda boldy.
Budan basqa, bilim (139 myń bos jumys orny), saýda (88 myń), aýyl sharýashylyǵy jáne densaýlyq saqtaý (73 myńnan) salalarynda, sondai-aq óńdeý ónerkásibinde (71 myń) úlken qajettilik baiqaldy.
2020 jyly bilikti jumysshylar arasynda eń suranysqa ie - orta mektep muǵalimderi, qurylysshylar-montajshylar, sondai-aq jeńil avtomobilder men taksi júrgizýshileri boldy.
«TOP-3-te Qostanai oblysynan, sondai-aq Nur-Sultan jáne Almaty qalalarynan basqa óńirler bólinisinde orta mektep muǵalimderi atap ótildi. Montajshy-qurylysshylar boiynsha da uqsas jaǵdai –Aqtóbe, Jambyl, Qostanai, Túrkistan, Shyǵys Qazaqstan oblystarynda jáne Almaty qalasynda ǵana olarǵa suranys joq. Sonymen qatar, óńirlerde jeńil avtokólikterdiń júrgizýshileri, boiler men bý mashinalarynyń operatorlary, dúkenderdegi sýpervaizerler men satýshylar, sondai-aq kútim kórsetýshi orta meditsinalyq personal suranysqa ie», – deidi Dmitrii Shýmekov.
Sonymen birge, jariialanǵan túiindemelerdiń kóp bóliginiń orta mektep muǵalimderine, montajshy-qurylysshylarǵa jáne uqsas jumysshylarǵa, jeńil avtokólik júrgizýshilerine, boiler men bý mashinalarynyń operatorlaryna, sýpervaizerler men dúkenderdegi satýshylarǵa, sondai-aq kútim kórsetýshi orta meditsinalyq personalǵa qatysty bolýy osy mamandyqtar boiynsha tapshylyqtyń bolýy jaǵdaiyn ózgertpeidi.
Osylaisha, túiindemeler sanynan bos oryndar sanynyń jiyntyq artýy qurylys salasynda edáýir baiqalady jáne qurylysshy-montajshylar boiynsha – 16,8 myń birlikti, dánekerleýshiler men gaz keskishter boiynsha – 9,7 myń birlikti, betonshylar boiynsha – 6,3 myń birlikti, kran, kótergish operatorlary men uqsas qurylymdardyń operatolary boiynsha – 5,8 myń birlikti qurady.
Sonymen qatar, eńbek naryǵyndaǵy tapshy mamandyqtarǵa orta mektep muǵalimderi (bos oryndar sany túiindemege qaraǵanda 9,3 myńǵa kóp), satýshylar (8,9 myńǵa), kúzetshiler (8,5 myńǵa), sondai-aq kútim kórsetýshi orta meditsinalyq personal (7,7 myńǵa) jatady.
Óz kezeginde, eńbek naryǵynda zańgerler (5,8 myń birlikke artyq), keń beiindi ofis qyzmetkerleri (3 myń), qarjy máseleleri jónindegi konsýltanttar (1,8 myń), taldaýshylar men zertteýshiler (1,7 myń) artyq bolyp otyr.
Budan basqa, 2020 jyly qorshaǵan ortany qorǵaý jónindegi kásipqoi mamandardyń (2,3 myń), ónerkásip pen óndiristegi tehnikterdiń (1,8 myń), tehnik-elektronikterdiń (1,8 myń), sondai-aq qurylysshylardyń brigadirleriniń (1,6 myń) artyq sany qalyptasqan.
