ٶتكەن جىلى ەلەكتروندى ەڭبەك بيرجاسىندا 925 مىڭ بوس جۇمىس ورنى ورنالاستىرىلدى, بۇل 2019 جىلعى (831 مىڭ) كٶرسەتكٸشتەن 11% ارتىق. بۇل رەتتە ٶتكەن جىلى بٸلٸكتٸ قىزمەتكەرلەرگە ارنالعان 600 مىڭ بوس جۇمىس ورنى بولدى. 2019 جىلى بٸلٸكتٸ ەڭبەككە دەگەن قاجەتتٸلٸك 590 مىڭدى قۇرادى, دەپ حابارلايدى "ۇلت اقپارات".
ورنالاستىرىلعان تٷيٸندەمەلەردٸڭ سانى 2020 جىلى 630 مىڭ بولدى, بۇل ٶتكەن جىلعى كٶرسەتكٸشتەن 10% ارتىق (2019 جىلى - 570 مىڭ). ورنالاستىرىلعان بوس جۇمىس ورىندارىنىڭ 367 مىڭى بٸلٸكتٸ ەڭبەكتٸ قاجەت ەتەدٸ (2019 جىلى - 359 مىڭ).
«ٶتكەن جىلى ەل بويىنشا بوس جۇمىس ورىندارى تٷيٸندەمەلەرگە قاراعاندا ورتا ەسەپپەن 300 مىڭعا جۋىق ارتىق بولدى. ونىڭ 233 مىڭعا جۋىعى – بٸلٸكتٸ ەڭبەكتٸ قاجەت ەتەتٸن بوس جۇمىس ورىندارى. الايدا, ٶڭٸرلەر تۇرعىسىنان قىزىلوردا, تٷركٸستان, اتىراۋ, ماڭعىستاۋ جەنە جامبىل وبلىستارىندا تٷيٸندەمەلەردٸڭ سانى بوس جۇمىس ورىندارىنىڭ سانىنان سەل اسىپ كەتكەنٸن اتاپ ٶتۋگە بولادى», – دەپ حابارلادى «ەڭبەك رەسۋرستارىن دامىتۋ ورتالىعى» اق بولجامداۋ دەپارتامەنتٸنٸڭ ديرەكتورى دميتريي شۋمەكوۆ.
ەكونوميكا سالالارى بويىنشا بوس جۇمىس ورىندارىنىڭ ەڭ كٶپ سانى (185,8 مىڭ) قۇرىلىس سەكتورىندا بولدى.
بۇدان باسقا, بٸلٸم (139 مىڭ بوس جۇمىس ورنى), ساۋدا (88 مىڭ), اۋىل شارۋاشىلىعى جەنە دەنساۋلىق ساقتاۋ (73 مىڭنان) سالالارىندا, سونداي-اق ٶڭدەۋ ٶنەركەسٸبٸندە (71 مىڭ) ٷلكەن قاجەتتٸلٸك بايقالدى.
2020 جىلى بٸلٸكتٸ جۇمىسشىلار اراسىندا ەڭ سۇرانىسقا يە - ورتا مەكتەپ مۇعالٸمدەرٸ, قۇرىلىسشىلار-مونتاجشىلار, سونداي-اق جەڭٸل اۆتوموبيلدەر مەن تاكسي جٷرگٸزۋشٸلەرٸ بولدى.
«توپ-3-تە قوستاناي وبلىسىنان, سونداي-اق نۇر-سۇلتان جەنە الماتى قالالارىنان باسقا ٶڭٸرلەر بٶلٸنٸسٸندە ورتا مەكتەپ مۇعالٸمدەرٸ اتاپ ٶتٸلدٸ. مونتاجشى-قۇرىلىسشىلار بويىنشا دا ۇقساس جاعداي –اقتٶبە, جامبىل, قوستاناي, تٷركٸستان, شىعىس قازاقستان وبلىستارىندا جەنە الماتى قالاسىندا عانا ولارعا سۇرانىس جوق. سونىمەن قاتار, ٶڭٸرلەردە جەڭٸل اۆتوكٶلٸكتەردٸڭ جٷرگٸزۋشٸلەرٸ, بويلەر مەن بۋ ماشينالارىنىڭ وپەراتورلارى, دٷكەندەردەگٸ سۋپەرۆايزەرلەر مەن ساتۋشىلار, سونداي-اق كٷتٸم كٶرسەتۋشٸ ورتا مەديتسينالىق پەرسونال سۇرانىسقا يە», – دەيدٸ دميتريي شۋمەكوۆ.
سونىمەن بٸرگە, جارييالانعان تٷيٸندەمەلەردٸڭ كٶپ بٶلٸگٸنٸڭ ورتا مەكتەپ مۇعالٸمدەرٸنە, مونتاجشى-قۇرىلىسشىلارعا جەنە ۇقساس جۇمىسشىلارعا, جەڭٸل اۆتوكٶلٸك جٷرگٸزۋشٸلەرٸنە, بويلەر مەن بۋ ماشينالارىنىڭ وپەراتورلارىنا, سۋپەرۆايزەرلەر مەن دٷكەندەردەگٸ ساتۋشىلارعا, سونداي-اق كٷتٸم كٶرسەتۋشٸ ورتا مەديتسينالىق پەرسونالعا قاتىستى بولۋى وسى ماماندىقتار بويىنشا تاپشىلىقتىڭ بولۋى جاعدايىن ٶزگەرتپەيدٸ.
وسىلايشا, تٷيٸندەمەلەر سانىنان بوس ورىندار سانىنىڭ جيىنتىق ارتۋى قۇرىلىس سالاسىندا ەدەۋٸر بايقالادى جەنە قۇرىلىسشى-مونتاجشىلار بويىنشا – 16,8 مىڭ بٸرلٸكتٸ, دەنەكەرلەۋشٸلەر مەن گاز كەسكٸشتەر بويىنشا – 9,7 مىڭ بٸرلٸكتٸ, بەتونشىلار بويىنشا – 6,3 مىڭ بٸرلٸكتٸ, كران, كٶتەرگٸش وپەراتورلارى مەن ۇقساس قۇرىلىمداردىڭ وپەراتولارى بويىنشا – 5,8 مىڭ بٸرلٸكتٸ قۇرادى.
سونىمەن قاتار, ەڭبەك نارىعىنداعى تاپشى ماماندىقتارعا ورتا مەكتەپ مۇعالٸمدەرٸ (بوس ورىندار سانى تٷيٸندەمەگە قاراعاندا 9,3 مىڭعا كٶپ), ساتۋشىلار (8,9 مىڭعا), كٷزەتشٸلەر (8,5 مىڭعا), سونداي-اق كٷتٸم كٶرسەتۋشٸ ورتا مەديتسينالىق پەرسونال (7,7 مىڭعا) جاتادى.
ٶز كەزەگٸندە, ەڭبەك نارىعىندا زاڭگەرلەر (5,8 مىڭ بٸرلٸككە ارتىق), كەڭ بەيٸندٸ وفيس قىزمەتكەرلەرٸ (3 مىڭ), قارجى مەسەلەلەرٸ جٶنٸندەگٸ كونسۋلتانتتار (1,8 مىڭ), تالداۋشىلار مەن زەرتتەۋشٸلەر (1,7 مىڭ) ارتىق بولىپ وتىر.
بۇدان باسقا, 2020 جىلى قورشاعان ورتانى قورعاۋ جٶنٸندەگٸ كەسٸپقوي مامانداردىڭ (2,3 مىڭ), ٶنەركەسٸپ پەن ٶندٸرٸستەگٸ تەحنيكتەردٸڭ (1,8 مىڭ), تەحنيك-ەلەكترونيكتەردٸڭ (1,8 مىڭ), سونداي-اق قۇرىلىسشىلاردىڭ بريگاديرلەرٸنٸڭ (1,6 مىڭ) ارتىق سانى قالىپتاسقان.
