Densaýlyq saqtaý vitse-ministri Oljas Ábishev patsient qupiiasy kibershabýyl men hakerlerden qalai qorǵalatynyn aitty, dep habarlaidy "Ult aqparat".
«Aqparattyq qaýipsizdikke keler bolsaq, tsifrlandyrý júiesi qolǵa alynbai turyp qaǵaz túrindegi ambýlatoriialyq kartalar men jazbalar bolǵan. Ol kezde meditsinalyq málimettiń qupiia saqtalatyny týraly eshkim kepildik bergen joq»,- deidi vitse-ministr.
Ol tsifrlandyrý júiesi qolǵa alynǵanǵa deiin kez kelgen eden jýýshy, tehnikalyq qyzmetker naýqas týraly kez kelgen málimetti kórip, dáriger jazbasymen tanysyp, tipti sýretke túsirip alý múmkindigi bolǵanyn aitty.
«Al tsifrlandyrý deńgeiinde bizde qaýipsizdik boiynsha 99,6% altyn standart saqtalady. Sondai-aq, biz Densaýlyq saqtaý ministrligi Ulttyq qaýipsizdik komitetimen birigip, patsient qaýipsizdigin qamtamasyz etemiz. Ai saiyn aqparattyq qaýipsizdik boiynsha ózimizdiń ishki qurylymda da, syrtqy qurylymda da tekserý júrgizemiz», - deidi Oljas Ábishev.
Eske sala ketsek, buǵan deiin elimizde elektrondyq densaýlyq pasporty engizilgenin jazǵan bolatynbyz.
