Foto: Pexels.com
Qazaqstanda elektr kólikterin úide qýattaityn júrgizýshilerge aiyppul salynýy múmkin, dep habarlaidy 31-arnanyń "Informbiýro" baǵdarlamasy. Elektromobilderdi paidalaný erejelerine qatysty jańa ózgerister qyrkúiek aiynda kúshine endi.
Daniiar Aqataev elektr kóligin úiinde 7 kilovatt qýat beretin zariadtaý stantsiiasy arqyly qýattaidy. Onyń aitýynsha, elektrokary 3-4 kún saiyn qaita zariadtaýdy qajet etedi, al nólden 100%-ǵa deiin zariadtaý shamamen 10 saǵatqa sozylady.
«Ádette, biz kólikti túnde qýattaimyz. Jeke sektorda turatyndyqtan, úide qýattaý biz úshin qolaily ári arzanǵa túsedi. Qajet bolǵan jaǵdaida bul protsesti zańdastyrýǵa daiynbyz», – deidi Daniiar.
Energetika ministrliginiń málimdeýinshe, eger elektr qýaty jetkilikti bolsa jáne eseptegishter durys ornatylsa, elektromobildi qýattaý úshin qosymsha kelisimder qajet emes. Alaida qýat jetispese, jelini jańartyp, jańa tehnikalyq sharttar alý kerek.
«Eger qurylǵynyń qýaty jetkiliksiz bolsa, jańa tehnikalyq sharttardy alý qajet. Úiińizde elektr zariadtaý stantsiiasy bolsa, ony turmystyq emes tutynýshy retinde paidalanýǵa arnalǵan kelisim-shart jasaýyńyz kerek», – dep túsindirdi QR Energetika ministrliginiń ókili Álimjan Turar.
Sarapshylar bul sharalardyń qajet ekenin aitady, óitkeni elde elektr tapshylyǵy artýda. Elektr jelilerine shamadan tys júktelmeý úshin zariadtaý stantsiialaryn qosý kezinde tehnikalyq talaptardy saqtaý mańyzdy.
