Britandyq Rolls-Royce indýstriialdyq kompaniiasy (aviatsiia qozǵaltqyshtary jáne qymbat avtokólikterimen tanymal) Spirit of Innovation elektr ushaǵy óziniń sanatynda álemdik jyldamdyq rekordyn jasaǵanyn málim etti, dep habarlaidy QazAqparat BBC-ge silteme jasap.
Kompaniianyń málemdemesinde ushaqty synaý kezinde 623 km/saǵ jyldamdyq kórsetti delingen.
Dúniejúzilik áýe sporty federatsiiasy ázirge rekordty rastamady, rastalǵan jaǵdaida, bul elektr ushaǵy kórsetken eń joǵary jyldamdyq bolmaq. Jańa ushaq 16 qarasha kúni Ýiltshir graftyǵyndaǵy Boskoým-Daýn áýe bazasynda synaqtan ótken.
Shtýrvalda ushqysh Fil O'Dell otyrdy, ol buny óziniń mansabyndaǵy aitýly oqiǵa dep atady.
Rolls-Royce kompaniiasy ushaq 2017 jyly Siemens nemis elektroplany ornatqan 213 km/saǵ jyldamdyqty basyp ozǵanyna senimdi. Ushaqqa 400 kilovatt kúshi bar elektr qozǵalqyshy ornatylǵan, bul 535 attyń kúshin beredi. Onda syiymdylyǵy joǵary akkýmliator ornatylǵan, bir ýaqytta 7 500 smartfondy qýattaýǵa kúshi jetedi.
