Qazaqstanda elektr energiiasyna saralanǵan tarif engizilmeidi. Bul jaiynda Májilis depýtattarynyń resmi saýalyna QR Premer-Ministriniń orynbasary Roman Skliardiń jaýabynda aitylǵan, dep habaralaidy QazAqparat.
«Elektr energiiasy týraly» QR zańyna sáikes 2009 jyldyń 1 qańtarynda saralanǵan tarif, onyń ishinde táýlik merzimi boiynsha engizilgen bolatyn. Tarif qoldanysta bolǵan kezde respýblikadaǵy elektr energiiasyn tutyný qurylymy ózgeriske ushyrai qoiǵan joq. Naqty aitqanda, elektr energiiasyn túnde paidalaný 0,5 paiyzǵa artyp, al keshki ýaqytta paidalaný 1,2 paiyzǵa tómendedi. Tarif qurylymyna sáikes túngi ýaqyttaǵy elektr energiiasynyń quny ózindik qunynan tómen boldy. Bul energiiamen jabdyqtaýshy uiymdardyń shyǵynǵa batýyna alyp keldi. Bul shyǵyndar ózderiniń tehnologiialyq protsesterin ózgertip, túnde elektr energiiasyn paidalaný úlesin arttyra almaǵan tutynýshylarǵa áserin tigizdi», - dedi birinshi vitse-premer.
Onyń atap ótýinshe, 2014 jyly QR Premer-Ministriniń óńirlerge sapary barysynda dál osy máselege qatysty shaǵymdar óte kóp boldy. Osyǵan bailanysty 2017 jyly «Elektr energiiasy týraly» zańǵa ózgetýler engizilip, saralanǵan tarif joiyldy.
«Atap óterligi, osy ózgeristerdiń nátijesinde tutynýshylar úshin elektr energiiasynyń quny eki eseden astamǵa tómendedi. Buǵan qosa, «Qazgidromet» RMK aqparatyna sáikes, tarifterdiń joiylýy atmosferaǵa lastaýshy zattardyń is júzindegi shyǵaryndylarynyń artýyna túrtki bolǵan joq. Osylaisha, táýlik merzimi boiynsha elektr energiiasyna saralanǵan tarifti qaitarý maqsatqa sai kelmeidi», - dedi Roman Skliar.
