Elektr energiiasy tapshylyǵyna jasyryn mainerlerdiń baqylaýsyz ósýi sebep boldy. Bul týraly QR Energetika ministri Bolat Aqsholaqov aitty, dep habarlaidy QazAqparat.
«2021 jyldyń qorytyndysy boiynsha elektr energiiasyn óndirý kólemi 114,4 mlrd kVt saǵatty qurady. Bul rette mainerlerdiń baqylaýsyz ósýine jáne elektr stantsiialaryndaǵy apattyq jaǵdailarǵa bailanysty 2021 jylǵy maýsymnan bastap tapshylyq paida boldy. Ol Resei Federatsiiasynan shamamen 300 mln.kVtsaǵ kóleminde teris saldo-aǵyn esebinen jabyldy. 2022 jylǵa elektr energiiasyn óndirý jospary – 114,4 mlrd kVt saǵat», - dedi ol ministrliktiń keńeitilgen alqa otyrysynda.
Onyń atap ótýinshe, elektr energiiasy men qýatynyń tapshylyǵyn boldyrmaý maqsatynda 2021 jylǵy qarashada Jambyl GRES-iniń 3-shi, al 2022 jylǵy qańtarda 4-shi energiia blogy iske qosyldy. Bul jiyntyǵynda GRES júktemesin 330 MVt-qa ulǵaitýǵa múmkindik berdi.
«Sondai-aq, ortalyqtandyrylǵan saýda-sattyqta elektr energiiasynyń tapshylyǵy men josparly importy kezinde mainerlerdi shekteý tetikteri engizildi. Jalpy, qazirgi ýaqytta zańsyz tsifrlyq maining sýbektilerin anyqtaý boiynsha jumys jalǵasýda. Osy sýbektilerdi odan ári retteý aiasynda kelesi máseleler pysyqtalýda: tsifrlyq maining qyzmetin litsenziialaýdy engizýdi jáne tsifrlyq maining sýbektileriniń elektr energiiasyn tutynýyna kvotalardy aiqyndaýdy kózdeitin zańnamaǵa túzetýlerdi engizý; jańa mainerler úshin qýattardy qosýǵa moratorii engizý; tsifrlyq maining sýbektilerin elektr energiiasyn jańartylatyn energiia kózderinen jáne importtan tutynýǵa aýystyrý», - dedi Bolat Aqsholaqov.
