Ýkrainadaǵy soǵys pen Qytaidaǵy karantin saldarynan energiia men azyq-túlik baǵasynyń kúrt kóterilýi AQSh-taǵy infliatsiia deńgeiin 8,5 paiyzǵa jetkizdi, dep habarlaidy QazAqparat tilshisi Financial Times basylymyna silteme jasap.
Naýryz aiynda AQSh-ta tutyný baǵasynyń ósimi 8 paiyzdy qurady, bul – energiia men azyq-túlik baǵasynyń kóterilýinen paida bolǵan 1981 jyldan bergi eń jyldam qarqyn. Qalyptasqan ahýal Federaldy rezerv júiesin infliatsiiamen kúresý úshin túbegeili sharalar qabyldaýǵa itermeledi.
Tutyný baǵasynyń indeksi naýryz aiynda ótken jylmen salystyrǵanda 8,5 paiyzǵa ósti. Bul rette ai saiynǵy ósim 1,2 paiyzdy qurady, bul - 2005 jyldyń qyrkúieginen bergi eń jyldam ósim.
Azyq-túlik jáne energiia siiaqty baǵasy qubylmaly taýarlardy qospaǵanda, tutynýshylyq baǵalardyń negizgi indeksi naýryzda 0,3 %-ǵa ósti.
Álemdegi eń iri ekonomikada infliatsiia burynǵydan da kúsheie túsedi degen qaýip AQSh ortalyq bankin sońǵy aptalarda qarjy-nesie saiasatyn qatańdatýda neǵurlym agressivti tásildi qoldanýǵa itermeledi. Ortalyq bank te jaqyn arada balansyn 9 trillion dollarǵa qysqartýdy bastaidy. FRJ basshysy Lael Breinard bul protsess maýsym aiynda qolǵa alynatynyn jáne mólsherlemeniń kóterilýimen birge FRJ saiasatyn ýaqyt óte beitarap ortaǵa ákeletinin atap ótti.
